زەهدی عەبدولقادر: پێشكەڤتن د ئاستێ تیمێ دایە لێ چەنسێ گۆلكرنێ نینە
رەمەزان زەكەریا
د داخۆیانیەكێ دا سكرتێرێ یانەیا بەردەڕەش خویاكر ئاستێ تیما وان د خولا پلا ئێكا كوردستانێ یا فوتبۆلێ د ڤێ قۆناغێ دا نە ل دووڤ ئاست و حەزێن مە بوویە وەكۆ دەستەیا كارگێڕی مە چاڤەڕێی ئەنجامێن باشتر دكر، لێ دونیایا فوتبۆلێ ئەڤەیە و هەموو گاڤا یا ب دلێ مرۆڤی نینە.
زێدەتر زەهدی عەبدولقادر بۆ رۆژناما ئەڤرۆ گۆت: ئەگەر د زۆربەیا یاریان دا یانەیا بەردەڕەش گەلەك ژ تیمێن بەرامبەر باشتر بوویە، لێ ئاریشە ئەوە یاریزانێن مە د ئێكگرتی نینە د گول تۆماركرنێ دا، ئەم هەموو كارەكێ دكەین و دگەهینە بەرامبەر گۆلێ مخابن دەرفەت ناهێنە نێچیركرن و گۆل ناهێنە كرن ئەڤە ژی ئەگەرێ سەرەكی یێ ڤێ رێزبەندیا نوكە یە.
ناڤبری گۆتژی: مەزنترین ئاستەنگ بۆ مە ئاریشا نەبوونا چانسی و بكارنەئینانا دەرفەتێن گۆلێ بوویە، یاریزان ئاستەكێ تەكنیكی یێ باش نیشان ددەن، ل دویماهیێ دا ئەنجام ب گۆلان دهێتە گوهۆڕین و ئەڤ چەندە ل هندەك یاریان ب دلێ مە نەبوو.
ناڤهاتی خۆیاكر: ب پشتەڤانییا خودێ و هیمەتا یاریزانان دێ ئاستێ تیمێ بەرەڤ باشتر چیت، ئەم د گەشبینن كو د یاریێن بهێت دا ئەنجامێن باشتر ب دەست ڤە بینین و دلێ جەماوەرێ خوە یێ خۆشتڤی خۆش بكەین.
