زەوقێ سترانگۆتنێ نەمایە
ئەڤرۆ نیوز:
سترانبێژا ناڤدارا سووری (مەیادە ئەلحەناوی) دیارکر، ئێدی وەکو بەرێ وی زەوقێ سترانگۆتنێ نەمایە، و گۆت: رۆژ بۆ رۆژێ خەمێن من یێن زێدە دبن، و دشێم بێژم یێ بوویە دەریا خەما و ئێدی خوە ل بەر ناگرم.
ناڤھاتیێ د بەرنامەکێ زیندی دا ل گەل کەنالەکێ عەرەبی گۆت: وەکو حەز ھێشتا من دلێ ل سەر وێ چەندێ ھەی کو سترانان بێژم، و ب راستی ژی من بەرھەمێ نوو یێ ھەی، لێ ژبەر وان کاودانێن ب سەر گەلێ مەدا ھاتین، ھەروەسا ھاتنا داعش ئەم ھەموو پاشڤەبرین و ئێدی مە زەوقێ بەرێ نەمایە.
ل دووماھیا بەرنامەی گۆت: راستە وەکو ئەلبۆم ئەڤە چەند سالن من چو ئەلبۆمێن نوو بەلاڤ نەکرینە، لێ ھندەک جاران ئەزدچمە ئاھەنگان دا ڤەقەتیان دناڤبەرا من و حەزژێکەرێن دەنگێ من دا چێنە بیت، و سۆزێ ددەمە وان ھەر دەمێ دەلیڤە بۆ من پەیدا بوو، جارەکا دی دێ ب بەرھەمەکێ باش بھێمە خزمەتا وان.
