زەھدی عەبدولقادر: یانەیا بەردەڕەش قه‌ردارا وەرزێ پێشتره
رەمەزان زەکەریا
د داخۆیانیەکێ دا سکرتێرێ یانه‌یا بەردەڕەش یا وەرزشی ئاشکرا کر دەمێ چەند رۆژایە یتیما وان یا فوتبۆلێ دەست ب بەرھەڤیان کریە خوه به‌رهه‌ڤكرن بۆ وه‌رزێ نوو یێ خولا پلا دو یا کوردستانێ، و هیڤی خوان د ئه‌ڤ ساله دا ئاسته‌كێ باشتر و ده‌ربازبوونێ ب ده‌ستڤه بینن.
زێدەتر زەھدی عەبدولقادر بۆرۆژنامه‌یا ئەڤرۆ گۆت: یانەیا بەردەڕەش ئەڤسالە تیمەکا باش بەرھەڤکریە کو دهێته پێشبینیكرن ببیته ھژمارەکا ب زەحمەت د ناڤ خولێ دا ژبه‌ركو کۆمەکا یاریزانێن نافخۆ دگەل ھژمارەکا یاریزانێن دەڤەرێن جودا یێن کوردستانێ ئیناینە د ناڤ رێزێن یانەیێ دگەل یاریزانەکێ رۆژھەلاتا کوردستانێ کو وەرزێ بۆری ژی ل ناڤ رێزێن یانەیا بەردەڕەش بوو.
ناڤبری ئه‌وچه‌نده ژی گۆت: ئاستێ تیما مه گه‌له‌كێ باشه تایبه‌ت لایه‌نێ هونه‌ر و ته‌كتیكی ڤە گەلەک یێ باشە لێ ژلایێ ئابووری گەلەک خرابە ژبەر ڤێ چەندێ خرابیا رەوشا ئابووری نە راستەوخۆ کاریگەری ل سەر ئاستێ یانەیێ دروست کریە، ھەتا نوکە یانەیا بەردەڕەش دەیندارا وەرزێ بووریە ئەڤسالە ھێشتا دەستپێکا وەرزیە دەست ب دەینا کریە بۆ ب رێڤەبرنا یانەیێ و داھاتێ یانەیێ زۆرێ کێمە چ پشتەڤانی ناھێتکرن بۆ یانەیێ لەورا ژی نەشیا قه‌رێن وورزێ بووری خلاس بکەت.
ل دووماهیێ زه‌هدی عه‌بدولقادر گۆت: د خوازین سەرمایەدارێن دەڤەرێ پستەڤانیا یانەیێ بکەن بۆ چەندێ ئاستەکێ باشتر پێشکەش بکەین دلێ جەماوەرێ خۆ خۆش بکەین.
