ساخله‌ميا هه‌رێمێ: 44 جهێن له‌شفرۆشيێ هاتنه داخستن
ئه‌ڤرۆ نيوز:
وه‌زاره‌تا ساخله‌ميێ ل حوكمه‌تا هه‌رێما كوردستانێ راگه‌هاند كو ژ ئه‌گه‌رێ ب كارئنيانا چه‌ند ئۆتێل و جهێن گشتى بۆ كارێن له‌شفرۆشيێ د ماوێ بۆرى دا، 44 جهـ هاتينه داخستن.
خالس قادر بۆ خه‌لك ئاماژه ب وێ چه‌ندێ كر كو هه‌ر ئافره‌ته‌كا دهێته هه‌رێما كوردستانێ پشكنينا نوشدارى بۆ دهێته كرن و ب تنێ بۆ كاركرنێ رێ پێ دهێته دان، به‌لێ پشتى دووڤچوونێ ده‌ركه‌فتيه هنده‌ك ل جهێن مه‌ساجێ و چه‌ند جهه‌كێن دى بۆ مه‌ره‌ما له‌شفرۆشيێ بكاردئينن، ژ به‌ر هندێ لژنا هه‌ڤپشكا ساخله‌ميێ و وه‌زاره‌تا ناڤخۆ ئه‌و جهه داخستينه.
ئاخفتنكه‌رێ وه‌زاره‌تا ساخله‌ميێ به‌حس ل وێ چه‌ندێ ژى دكه‌ت و هه‌تا نوكه ئافره‌ت ژ ئه‌گه‌رێ ده‌رنه‌چوون ژ پشكنينان ڤه‌گه‌راندينه وه‌لاتێن وان، چونكو هه‌لگرێن چه‌ندێن نه‌خۆشيێن ڤه‌گر بووينه.
“خه‌لك” به‌لاڤكريه ژى كو د دووڤچوونه‌كا وێ دا ئاشكه‌را بوويه كو رۆژانه چه‌ندين ئافره‌تێن بيانى ب تايبه‌ت يێن ئيرانى و عه‌ره‌ب د رێيا ده‌رگه‌هێن سنورى را دهێنه هه‌رێما كوردستانێ و بۆ مه‌ره‌ما له‌شفرۆشيێ دهێنه ب كارئينان.