ساخلەمیا زاخۆ نەشێت نەخۆشیێن سۆتنێ چارە بکەت
ئەڤرۆ نيوز:
رێڤەبەرێ نەخۆشخانا زاخۆ یا گشتی دیار کر کو نوکە پشکا سۆتنێ ل نەخۆشخانێن زاخۆ نینە و بۆ ڤەکرنا وێ پشکێ ساخلەمیا زاخۆ پێدڤی ب 26 کارمەندێن ساخلەمیێ ھەیە و گۆت: “بێ وان کارمەندان گەلەک یا ب زەحمەتە ئەم بشێن پشکا سۆتنێ ڤەکەین”.
د. ھەیھات خەیروللا، رێڤەبەرێ نەخۆشخانا زاخۆ یا گشتی ئاشکرا کر کو ساخلەمیا زاخۆ پێدڤی ب شەش نۆشدارێن نیشتەجێ یێن دێرین و 12 پەرستار و شەش نۆشدارێن تایبەتمەند ھەیە دا کو بشێن قایشا سۆتنێ و ھۆلا نشتەرگەریێ و ھەوارھاتنێ ب رێڤەببەن.
ل دووڤ ئامارا پشکا سۆتنێ ل رێڤەبەریا گشتی یا ساخلەمیا دھۆکێ ل سالا 2015ێ 28 حالەتێن سۆتنێ ل زاخۆ ھەبوون و ل نەە ھەیڤێن دەربازبووی یێن ئەڤ سالە 24 حالەتێن سۆتنێ ل زاخۆ ھاتینە تۆمارکرن.
