سادیۆ مانی: یاریێ دكه‌م دا گۆندێ خوه ب خودان بكه‌م
ئه‌ڤرۆ،
ستێرا ته‌پا پێی و یاریزانێ سنیگالی و یانا لیڤه‌رپۆل یا ئنگلێزی دیاركر هه‌موو ده‌ما بزاڤێ دكه‌ت د ناڤ یاریگه‌هێ دا باشترین ئاست نیشان بده‌ت و هزر د ناسناڤێ باشترین یاریزان دا ناكه‌ت به‌لكو یاریێ دكه‌ت بۆ خودان كرنا گۆندێ خوه، ئه‌ڤ گۆتنه هاتن پشتی ل شه‌ڤا ده‌ربازبووی تیما وان ناسناڤێ كۆپا ئێكه‌تیا ته‌پا پێی یا ئنگلیزێ ب ده‌ستخوه‌ڤه ئینایی د یاریا دووماهیێ دا ب سه‌ركه‌فتی ل سه‌ر هه‌ڤڕكا خوه یانا چێلسی ب لێدانێن په‌نه‌لتیا 5-6 گۆلان.
سادیۆ مانی د دیداره‌كا رۆژنامه‌ڤانی دا گۆت: ئه‌ز خوه باشترین یاریزان نابینم به‌لكو هه‌ر ده‌مێ دچمه دناڤ یاریگه‌هێ دا بتنێ كارێ خوه ب دروستی دكه‌م، ژبه‌ركو ئه‌ز چاڤدێریا بنه‌مال و گۆندێ خوه بامبالی ل سنیگالێ دكه‌م بۆ به‌رهه‌ڤكرنا پێدڤێن رۆژانه ژ خارنێ و چلۆبه‌رگا، بۆ ڤێ ئه‌گه‌رێ ئه‌ز بزاڤێ دكه‌م باشترین ئاست نیشان بده‌م پێخه‌مه‌ت گرێبه‌ست و جهێ خوه ژ ده‌ست نه‌ده‌م هه‌مبه‌ری وێ دا چاڤدێری ژی به‌رده‌وام بیت، بۆ من ته‌پا زێری گرنگ نینه چونكو خارنێ بۆ گۆندێ من به‌رهه‌ڤ ناكه‌ت، له‌ورا هندی شیان هه‌بن و بزاڤێ كه‌م به‌رده‌وام پشته‌ڤانیا گۆندێ خوه بكه‌م د كه‌رتێ په‌روه‌ردێ و ساخله‌میێ ژی دا .
