سارا عهبدوللا: شیانێن وهرزشڤانا كچا كوردستانێ باشترن ژ یێن ئیراقێ
ئهڤرۆ، ههولێر، سولین سلێمان.
د دیدارهكێ دا سارا عهبدوللا یاریزانا یانا ئافرهتێن ههولێرێ بۆ یاریا فوتسالێ دیاركر د نوكه دا ئهو رۆژانه بهرههڤیا بۆ ههردو خولێن پلا نایابا كوردستانێ و ئیراقێ دكهن.
زێدهتر ناڤهاتی بۆ رۆژناما ئهڤرۆ گۆت:خوه بهرههڤكرن بۆ وهرزێ نوو یێ ههردو خولێن پلا نایابا ئیراقێ و كوردستانێ بهرههڤیێن وان بهردهوامن و ههردهمێ ژڤانێ خولا هاته دیاركرن دێ راهێنانێن خوه زێدهتر لێكهن تایبهت یێن هێزا لهشی پێخهمهت ڤهگهڕاندنا ئاست و شیانێن خوه و رژدین بۆ ههڤڕكیێ ل سهر ناسناڤان سهرباری سال بۆس الێ ئاستێ كچان باشتر دبیت تایبهت یێن كوردستانێ كو باشترن ژ یێن ئیراقێ و بهلگهژی رێژا ههره مهزن یا یاریزانێن كورد دناڤ پێكهاتیێ ئیراقێ دانه.
سارایێ ئهوچهنده ژی دیاركر كو پشتهڤانێ سهرهكی بۆ ههموو یاریزانا خێزانێن مهنه و زهحمهت و شیانێن راهێنهرێ شارهزا مهزن محهمهد ژبیرنهكهین ئهوێ پشتهڤان و هاریكار بۆ یاریزانێن كچ و شیاین بگههینه ئهڤێ ئاستێ نوكه ئهم تێدا و بهر ب ناسناڤا ببهن و گۆت: د كهرتێ وهرزشێ دا پووتهدانهكا كێم ب راهێنهرا ئافرهت دهێته دان ههرچهنده شیانێن ئافرهتان چو كێمتر نینه ژ یێن زهلامان لێ مخابن ب تبلێن دهستی ئهم راهێنهرێن كچد بینن لهورا هیڤییا مه ئهوه دهلیڤه بۆ راهێنهرا ئافرهت ژی بهێته دان و شیانێن خوه دیاربكهت.
