سازیا ئه‌تۆمی هۆشداریێ دده‌ته ئیرانێ
سازیا جیهانی یا ئه‌تۆمی راگه‌هاند كو ئیران ب ره‌نگه‌كێ به‌رچاڤ رێژا پیتاندنا یۆرانیۆمێ زێده كریه و رێ ناده‌ت كو لیژنا وان سه‌ره‌دانا ناڤه‌ندێن ئه‌تۆمی یێ ئیرانێ بكه‌ن و ئه‌و یه‌ك ژی مه‌ترسیه‌كا خوه یا گه‌له‌ك مه‌زن بۆ هه‌موو جیهانێ هه‌یه، چونكو ل گۆر رێككه‌فتنا به‌ری نها پێدڤی بوو ئیران پیتاندنا یۆرانیۆمێ سنوردار بكه‌ت لێ ئیرانێ رێككه‌فتن بنپێ كریه.
ل ئالیێ دی عه‌لی ئه‌كبه‌ر سالحی سه‌رۆكێ سازیا ئه‌تۆمی یا ئیرانێ ژی راگه‌هاند كو هه‌لویستێ سازیا ئه‌تۆمی سیاسیه و وان دڤێت ئیرانێ ته‌نگاڤ بكه‌ن، لێ ئیران دێ ل سه‌ر سیاسه‌تا خوه یا نها به‌رده‌وام بیت.
