ساز ئامیرەكێ فۆلكلۆری یە و خەلك گەلەك حەزژێ دكەت
بێوار حەمدی:
مۆزیكژەن (شاد شەوكەت) كو ژەنیارێ عۆدێ و سازێ یە، د دیدارەكێ دا بۆ رۆژنامەیا ئەڤرۆ گۆت: ئەڤە حەفت سالن ئەز مۆزیك ب هەڤڕا هەڤالین و نوكە ل پەیمانگەها هونەرێن جوان ب شێوەیەكێ ئەكادیمی دخوینم و ل گەل مۆزیكێ یێ دلخۆش و ئارامم.
هەروەسا گۆت: ساز ئامیرەیەكێ فۆلكلۆری یەو خەلك گەلەك حەزژێ دكەن، چنكو ژمێژەیە دناڤ جڤاكێ مە دا هەیە و پتریا خەلكی دیتیە و گوه لێبوویە، بەلێ عۆد ژی ئامیرەكێ پری هەستە و دەنگێ وێ ژ یێ سازێ بلندترە، بەلێ ژبۆ ژەنینێ ژی عۆد ئامیرەیەكێ ب زەحمەتە، ساز ژی پتر ل گەل سترانێن فۆلكلۆری دهێتە ژەنین.
