ساسان عه‌ونی: داهاتێ وه‌زاره‌تا باژێرڤانی و گه‌شتوگوزارێ 55% زێده‌بوویه
ئه‌ڤرۆ:
وه‌زیرێ باژێرڤانی و گه‌شتوگوزارێ ل حكومه‌تا هه‌رێما كوردستانێ دیار كر، ل دووڤ وێ پلانا وان دانای، وه‌زاره‌تا وان شیایه د سالا بۆری دا داهاتێ وه‌زاره‌تێ 55%ێ زێده بكه‌ت و پشكه‌كا وی داهاتی بۆ خزمه‌تگوزاریێن باژێرڤانیان هاتیه مه‌زاختن.
ساسان عه‌ونی، وه‌زیرێ باژێرڤانی و گه‌شتوگوزارێ بۆ فه‌رمانگه‌ها میدیا و زانیاریان یا حكومه‌تا هه‌رێما كوردستانێ دیار كر، ل سه‌ر راسپارده و رێنمایێن به‌رده‌وام یێن مه‌سرور بارزانی، سه‌رۆكێ حكومه‌تا هه‌رێما كوردستانێ بۆ هه‌موو وه‌زاره‌تێن حكومه‌تا هه‌رێما كوردستانێ سه‌باره‌ت رێكخستنا داهاتێ ناڤخوه ژ به‌ر بجهئینانا وان رێنمایان، وان وه‌كو وه‌زاره‌تا باژێرڤانی و گه‌شتوگوزارێ به‌رده‌وام بزاڤێن رێكخستنا داهاتێ ناڤخوه دكرن و گۆت: “ل دووڤ پلانه‌كێ، كو ل دوماهیا سالا 2021ێ مه بۆ سالا 2022ێ دانابوو، ئارمانجا مه ئه‌وبوو داهاتێ خوه یێ سالا 2022ێ هه‌ڤبه‌ركرن ل گه‌ل سالا 2021ێ ب رێژه‌یا 35%ێ زێده بكه‌ین، لێ هه‌تا دووماهی رۆژا ده‌واما فه‌رمی یا دام و ده‌زگه‌هان، داهاتێ هه‌موو فه‌رمانگه‌هێن وه‌زاره‌تابا ژێرڤانی و گه‌شتوگوزارێ 306 ملیار و 250 ملیۆن دیناربوون، هه‌ڤبه‌ركرن ل گه‌ل وێ رێژا مه پار پلان بۆ دانای، 55%ێ داهات زێده بوویه”.
گۆتژی: “ئه‌م دشێین ب دو شێوه‌یان مفای ژ وی داهاتی ببینین، 15%ێ یا وی داهاتی هه‌ر ل رێڤه‌به‌ریێن گشتی یێن باژێرڤانی و گه‌شتوگوزارێ ل هه‌موو باژێران بۆ خزمه‌تگوزاریان دهاته ته‌رخانكرن، هه‌روه‌سا 17%ێ یا وی داهاتی بۆ پرۆژه‌یێن خزمه‌تگوزاری یێن ئاڤ و ئاڤڕێژان ل هه‌موو باژێران دهاته ته‌رخانكرن”.
