سالانە کەنالێن کوردستانێ چەند پاران دەنە ھەیڤێن دەستکرد؟
ئەڤرۆ نیوز:
ھەلگورد جندیانی رێڤەبەرێ راگەھاندنێ ل وەازرەتا رەوشەنبیری یا حوکمەتا ھەرێما کوردستانێ بۆ بەرپەرێ ھونەری یێ رۆژناما ئەڤرۆ گۆت: ھەر کەنالەکێ ب شێوازێHD پەخشێ خوە بکەت دڤێت مێگا بایت ھەبن و ھەر مێگا بایتەک ل نایل ساتێ سالانە ب (100) ھزار دۆلاانە و ھندەک جاران زێدەترە وەک خزمەت گوزاری، کەنالێن نەHD ئەو سێ مێگا بایت ھەنە و ئەو (300) ھزار دۆلاران دەن، کەنالێن HD ژ حەفت مێگا بایتان دەست پێ دکەن ھەتا نەە مێگا بایتان و دیسا ئەڤە نیشانا بتنێ ژ نایل سات ناوەرگریت بەلکو دڤێت ھەیڤەکا دی یا دەستکرد ھەبیت ب شێوێ لاوەکی و نیڤا وی پارێ نایل سات ئەو ژی وەردگریت، کەنالێن کوردی بتنێ پەخشێ وان بتنێ نایلسات نینە و بەلکو ل گەلەک کومێن دی ھەنە و کوما ژ ھەموویان گرانتر (ھودبێرد) ە، ھەرمێگا بایتەک ل ڤێ کومێ ب (150) ھزار دۆلارانە سالانە، ھەیڤا دەستکرد یا ترکسات یا ئەرزانە.
ھەلگورد جندیانی ھێشتا گۆت: مخابن ھندەک ژ ئەڤان کەنالان پارێ رسوماتێن سالانە یێن وەزارەتێ نادەن کو پێنچ ملیۆن و سەردانە و بەرھەڤن پارەکێ زور ب دەنە ھەیڤێن دەستکرد.
ھەلگورد جندیانی ھێشتا گۆت: دو کەنالێن دی درێ دانە بھێنەڤەکرن و ھەر دو یێن دەولەمەندانە و ھێشتا دەستوور وەرنەگرتیە و بەرامبەر ڤەکرنا کەنالێن لوکالی ژی یا بەردەوامە، گەلەک کەنالێن لوکالی ھاتینە گرتن ژ نەبوونا داھاتێ رکلامان و ھاتنا قەیرانا دارایی.
لدووڤ ئامارێن دەست ب بەرپەرێ ھونەری یێ رۆژناما ئەڤرۆ کەفتین نێزیکی 30 کەنالێن ئەسمانی ل کوردستانێ ھەنە، سالانە ئەڤ کەنالە پارەکێ زور دەنە ھەیڤێن دەستکرد ب مەرەما دانا دەستوور دانا پەخشی.
