سالا بۆری ل زاخۆ 210 پێگهورێن كاره‌بێ په‌قینه
ئه‌ڤرۆ نیوز، عه‌لی حاجی:
د داخویانیه‌كێ دا رێڤه‌به‌رێ به‌لاڤكرنا كاره‌با زاخۆ ب وه‌كاله‌ت بۆ ئه‌ڤرۆ نیوز دیار كر ژبه‌ر وێ گڤاشتنا زێده ل سه‌ر كاره‌با گشتی ل زاخۆ پێگهورێن كاره‌بێ د ئه‌ڤساله دا زێده‌تر په‌قینه و نێزیكی 9 هه‌تا 12 ده‌مژمێرێن كاره‌بێ ل زاخۆ ب هاولاتیان دهێته دان.
زێده‌تر ئه‌ندازیار ئازاد عه‌بدولره‌حمان گوت: (ل سالا 2019 دا ل باژێرێ زاخۆ 210 پێگهورێن كاره‌بێ سوتینه و ئه‌ڤ رێژه‌یه ل چاڤ رێژه‌یا سالا بوری زێده‌تره ژ به‌ر كو گه‌له‌ك پێگهور دناڤ گه‌ره‌كێن زاخۆ دا دكه‌ڤنن و بارێ وان گران دبیت و دپه‌قن و هه‌ردیسان ژ به‌ر كو ده‌مژمێرێن كاره‌بێ نوكه دا كێم ب هاولاتیان دهێته دان هه‌ر ده‌ما كاره‌با گشتی ب هاولاتیان دهێته دان هاولاتی گه‌له‌ك كه‌ل و په‌لان دده‌نه كاری له‌ورا ئه‌ڤ چه‌نده ژی دبیته بارگرانی ل سه‌ر پێگهورێن كاره‌بێ ل گه‌ره‌كان و دپه‌قن و هه‌ر دیسان گه‌له‌ك جاران ژ ئه‌گه‌رێ زێده‌گاڤیا ل سه‌ر كاره‌بێ هه‌یی ئه‌و روودان دروست دبن).
و گوت ژی هه‌وه‌ك هاتبوو راگه‌هاندن ل دور راكرنا سه‌رپێچیا و ده‌م ژی بۆ وان كه‌سان هاتبوو ده‌ستنیشان کرن یێ زێده‌گاڤی ل سه‌ر كاره‌با گشتی كرین به‌لێ ل دووڤ بریاره‌كا وه‌زاه‌رتا كاره‌بێ ئه‌و ده‌م هاته درێژكرن هه‌تا ده‌ستپێكا هه‌یڤا دوو و پشتی وی ده‌مێ ده‌ستنیشان كری دێ ده‌ست ب راكرنا زێده‌گاڤیان ل سه‌ر كاره‌با گشتی كه‌ین).
