سالا 1990ێ ئەم 72 پێشمەرگە ژ ئیرانێ بەرەڤ ئیراقێ هاتین
دیدار، سالار محەمەد دۆسكی:
2 – 5
سالا دوڤدا خولا كادران هاتە ڤەكرن و خولا حەفتێ دەست پێكر و لژنەك ژ مەكتەبا سیاسی هات و دەسپێكێ چاڤ پێكەفتن ل گەل مە هاتەكرن و ئەوێن چاڤ پێكەفتنێ دا ب سەركەفتین چووینە خولێ ل سالا 1981 گەلیەك هەبوو دگۆتنێ (راژان) پشت مەكتەبا سیاسی بوو و مە خولا خوە ب دوماهی ئینا و باوەرنامە مە وەرگرت و ئەم ب سەركەفتین و نێزیكی شەش هەیڤان ئەو خول ڤەكێشا و دوف مامە سەر ب هێزا مامێ خوە (عەریف سلێمان) ڤە و من سمینار پێشكێشكرن بۆ پێشمەرگەی و گەلەك كەیفا وان ب من دهات و هەتا سالا 1983 زڤریمە ئیراقێ ب سەرەدان وی دەمی (عیسی زێوەی و محەمەد سالح بۆتی) ل ڤێرە بوون و ئەوا گۆتە من بۆچی خوە ناڤەگوهێزیە لژنا دهۆك ژ ئیرانێ ڤەگەریە دەڤەرێ؟ من گۆتێ نەشێم بهێم و ئەوا گۆت (فەتەح گولی) بەرپرسێ لژنێ یەو دێ هاریكاریا تەكەت و دێ كاغەزەكێ بۆ (ئدریس بارزانی) خودێ ژێ رازیبت نڤیست و دێ هاریكاربن ل گەل تە و من گۆتێ حەزدكەم و كاك (فەتەح گولی) كاغەزەك نڤێسی و دەمێ چوویمە ئیرانێ چوومە مەكتەبا سیاسی و ئەو كاغەز من دا دەستێ كاك (ئدریس بارزانی) ئەوی گۆت تەڤێت بچیە ئیراقێ؟ من گۆتێ بەلێ و چەندین جارا بوو من (ئدریس بارزانی) دیت چونكە پێشتر ئەم زێرەڤانێن گورێ بارزانیێ نەمر بووین هەر حەفتی (ئدریس بارزانی) دهاتە سەر گورێ بابێ خوە و قورئان دخواند و ئەو ژ سەرۆك (مەسعود بارزانی) پتر دهات و گەلەك جاران ژی پێكڤە دهاتنە سەر گورێ بارزانیێ نەمر و هەردوكان گەلەك حەژ (عریف سلێمانی) دكر چونكە كادرەكێ لەشكریێ كەڤنێ شۆڕەشێ بوو دهاتن رونشتن و چا ڤەدخوارن و سیلاڤەك ل گوندی هەبوو و جارەكێ مامێ من گۆت هەر سەماوەری ببنە وێ سیلاڤێ ئەم دێ پێكڤە چایەكێ وێرێ ڤەخوین و كاك (مەسعود و ئدریس) هاتن و چا ڤەخوارن وی دەمی ژی هاتبوونە سەر گورێ بابێ خوە وی دەمی بتنێ چادرەك ل سەر گورێ بارزانیێ نەمر هاتبوو ڤەدان و چ تشتێ دی نەبوو و ئەو چوونە بن چادرێ قورئان خواند و ئەم ژی زێرەڤان بووین هەتا ب دوماهی دهاتن و چوون.
پێشمەرگەیێ شۆڕەشا گولانێ، شاكر زێوەی، بەحسێ ڤەگوهاستنا خوە كر بۆ لژنا دهۆك و گۆت: پشتی من ڤەگوهاستنا خوە ئینای هاتمە بارەگایێ لقێ و ئەوانژی گۆت ماوەكی هەرە دەستیردانێ وەربگرە، هاتمە دەستیردانێ و پشتی بورینا هەیڤەكێ جارەكا دی هاتە بارەگایێ لقێ و من نڤیسارا خوە وەرگرت بۆ لژنا دهۆك و پشتی چوویمە لقێ گۆتن مە نڤیسارا تە دروست كریە بۆ لژنا زاخو، من ژی گۆت كەیفا هەوە یە و چوومە لژنا زاخو و ئەز سێ سالان مامە لژنا زاخۆ وێرێ بووە كادرێ رێكخراوا (رزگاری) وی دەمی خودێ كەرەم ل گەل من كر و كورەك دامن و من ناڤێ وی كرە (رزگار) مامە ل زاخو هەتا سەرێ سالا 1987ێ، لژنەكا پشكنینێ هات هەر ئێك ژ (هشیار زێباری، فازل میرانی، زەعیم عەلی) پێك دهات وی دەمی كادرێ وێ رێكخراوێ بووم ل زاخو و ئەم كومكرین و ل گەل هەمیان تاخفتن و گوهورین تێخستنێ وی دەمی كرمە كادرێ لژنا دهۆك بوومە بەرپرسێ دارایی و مامە لژنا دهۆك هەتا ئەنفالێن رەش ل سالا 1988ێ ئەم بەرەف توركیا چووین وی دەمی خێزان و زارۆكێن من كەفتنە دەستێ حوكمەتێ و كورێ من (رزگار) ژیێ وی چار سال بوون ل گەل پسمامێن من چوو و ژ دایكا خوە ڤەقەتیان ئەو چوونە (دیاربەكر) و هەڤژینا من و دایكا من و ل گەل دو زارۆكێن من ل (ئوزمانا) كەفتنە دەستێن رژێما بەعس و ئەو ئینانە گەلها (نزاركێ) دووف دا هاتنە رەوانەكرن بۆ (بەحركێ) ئەز ل كەمپا (سلوپی) بووم، و دوڤدا هاتینە رەوانەكرن بۆ (مێردینێ) وی دەمی من زانی كورێ من هاتیە (دیاربەكر) بەلێ دایكا وی چ پێزانین ل سەر كورێ خوە (رزگار) نەبوون و هەتا مە پەیوندی بۆ مالێن خو ل دەڤەرێ كرین ئەو هاتنە ئاگەهداركرن كو كورێ مە یێ ساخە ل گەل پسمامێن مەیە و ئەو چار هەیڤ بوو ئەوا چ پێزانین ل سەر نەبوون، و دوڤدا گۆتن ئەوێن زارۆكێن وا ل (دیاربەكر) دشێن پەیوەندیێ پێ بكەن ، و دوڤدا حوكمەتا توركیا پەیوەندی بوومە خوشكرن و ئەم شیاین ل گەل مرۆڤێن خوە باخڤین چوومە دەف كورێ خوە و دوڤدا من كورێ خوە ب رێكێن نەقانوونی برە ئیرانێ وی دەمی برایێ من (یونس) مالا وی ل (كەرەج) بوو ل ئیرانێ و مامە ل ئیرانێ دەف (قادر قاچاخ)، و دوڤدا گۆتن رێك هەیە بچی هەڤژین و زارۆكێن خوە بینن و من هەڤالەك هەبوو بناڤێ(شڤان كوڤلی) ئەندامێ لقێ دوو یێ ل هەولێرێ و بارەگایێ وان ل سەر سنوری بوون، و من ژی بابەتێ ڤەگوهاستنا هەڤژین و زارۆكێن خوە بوو گۆت ئەگەر هاریكاری هەبا و ئەوی گۆت بەرپرسێ رێكخراوەكا مە هەیە بناڤێ (زریان) بەری هەوا ئەنفالان بەرپرسێ رێكخراوێ بوو وی گۆت دێ ل گەل تەهێم و چەند هەڤالێن دی ژی هاتن ئەم بووینە هەشت كەس ئەم ئیرانێ هاتینە ئیراقێ ب بوو سالا 1989ێ ئەم هاتینە (سەرۆچاوە) دەڤەرا هەولێرێ نێزیكی(رانیە) (زریانی) گازی بابێ خوە و بابێ وی (شەقلاوە) بوو دەمێ بابێ وی ئەم دیتین كرە گری و گۆتێ(زریان) ما دەمێ هندێ یە و بابێ (زریان) مامۆستایێ ئاینی بوو و (زریان) گۆتێ سەرخاترا (شاكر) ئەم هاتینە و مە دڤێت هاریكاریا وی بكەین و ئەو بگەهیتە هەڤژین و زارۆكێن خوە و بابێ وی گۆت ئەگەر ژ بەر هندێ بیت چ ل هەوە بیت بلا و (زریانی) گۆتێ زارۆك و هەڤژینێ وی ل (بەحركێ) نە و چارەسەری د دەستێ تەدایە.
