سالح بێکەس: درامایێن کۆمێدی و جڤاکی بۆ ھەیڤا رەمەزانێ ھاتینە بەرھەڤکرن
ئەڤرۆ، رەمەزان ھەرنی:
ھونەرمەند سالح بێکەس د دیدارەکێ دا بۆ رۆژناما ئەڤرۆ گۆت: سالانە ل ھەرێما کوردستانێ بۆ ھەیڤا رەمەزانا پیرۆز ھژمارەکا درامایێن نوو دھێنە بەرھەڤکرن و نیشادان، ھەکە درامایێن بیانی نەھێنە نیشادان ھونەرمەند و ئەکتەرێن کورد شیان ھەنە بەردەوام درامایان دروست بکەن، بەلێ ئەو گرنگیا ب دراما بیانی دھێتە دان ب دراما ناڤخۆیی و خۆمالی ناھێتە دان.
ناڤھاتی گۆت ژی: ھەیڤا رەمەزانا پیرۆز تایبەتمەندیا خوە ھەیە بۆ نیشادانا درامایێن کوردی ھەموو خێزان د وێ ھەیڤێ دا کۆم دبن و کێمتر دەرکەفتن ھەنە لەوڕِا بینەرێن وان زێدەتر دبن و ھەر نوکە وەلاتی داخوازا دروستکرنا درامایان دکەن کو ل ھەیڤا رەمەزانێ بھێنە نیشادان، دراما کوردی و رەمەزانێ ل کوردستانێ بینەرەکێ مەزن ھەیە.
سالحی ئاشکرا کر کو: بۆ ھەیڤا رەمەزان پیرۆزا ئەڤ سالە دو جۆرێن درامایان ھاتینە بەرھەڤکرن کۆمێدی و جڤاکی کو مەرەم ژ دروستکرنا دراما کۆمێدی خوەشکرنا دلێ بینەرانە و دوورخستنە ژ وان روودانێن نەخوەشێن رۆژانە و دراما جڤاکی مەرەم ژێَ ھوشیارکرنا جڤاکیە ژ دیاردێن کرێت و گۆت: “پێدڤیە جھێن شولەژی تایبەت وەزارەتا رەوشەنبیری رازی نەبیت زێدەتر بێ سانسوور مەترسیا درامایێن بیانی د ناڤ جڤاکی دا بەلاڤ ببیت زیانێ بگەھینیتە بوارێ جڤاکی و ھونەریێ کوردی”.
