سالح كهكۆ: ههكه ژڤانێ قارهمانیێ نه هێته گوهۆڕین پشكداریێ ناكهین
ئهڤرۆ،
راهێنهرێ تیما كیك بۆكسینگا یانا دهۆك دیاركر بڕیار هاتیه دان قارهمانیا ئیراقێ سهر ئاستێ پێشكهفتیان ل 7ێ ههیڤا بهێت باژێرێ كۆت مێڤانداریا وێ بكهت كو ئهڤ ژڤانه نه یێ گۆنجایه و ههكه نههێته گوهۆڕین ئهم پشكداریێ ناكهین.
زێدهتر سالح كهكو ههڤدهم دا راهێنهرێ ههلبژارتیێ ئیراقێ یه بۆ رۆژناما ئهڤرۆ گۆت: سهرباری بهرههڤیێن مه یێن رۆژانه و رێكخستی و ههبوونا یاریزانێن خودان شیان و چاڤهڕێ بوونا مه بۆ ههر قارهمانیهكێ لێ بڕیارا ئێكهتیا كیك بۆكسینگا ئیراقێ بۆ دانانا قارهمانیێ سهر ئاستێ پێشكهفتیهك ل 7ێ ههیڤا بهێت دهمێ وی گۆنجایی نینه و دێ داخواز ژێ كهین گوهۆڕینێ د ژڤانێ وێ دا بكهن ههكه نه پێشبینی دكهم ئهم پشكداریێ ناكهین سهرباری گرنگیا ڤێ قارهمانیێ بۆ یانێ و یاریزانان تایبهت بۆ ناڤ رێزێن ههلبژارتیێ ئیراقێ دا.
لدور ئهگهرێن نه پشكداریێ گۆت: ژبهركو د كهڤیته رۆژێن بهری و دهمێ چهژنێ دا ئهڤچهنده یا دروست نینه، لهورا دێ بڕێیا پهیوهندییان ل گهل سهرۆك و ئهندامێن ئێكهتیێ ئاخڤین ژبۆ گوهۆڕینا ژڤانێ یاریێ و ههكه چو نه هاته كرن ئهم نهچارین پشكداریێ نهكهین سهرباری دێ كارتیكرنا خوه یا نهرێنی ل سهر یاریزانا ههبیت.
بۆ زانین ئێكهتیا كیك بۆكسینگا ئیراقێ بڕیاردا قارهمانی سهر ئاستێ پێشكهفتیان بۆ ماوێ سێ رۆژان ل حهفت ههتا نههێ تیرمهها بهێت باژێرێ كوت مێڤانداریا وێ بكهت ژبۆ ژێگرتنا باشترین یاریزانان بۆ قارهمانیا تهزامن ئهوا دێ ل تهباخا بهێت ههڤڕكیێن وێ ل وهلاتێ توركیا هێته كرن.