سالح كەكۆ: غەدرا دادڤانان نە بوو رێگر ژ هەمی ئارمانجێن خوە بێ هیڤی ببین
قەیس وەیس:
د داخویانیەكێ دا راهێنەرێ تیما یانەیا دهۆك و هەلبژارتیێ ئیراقێ سالح كەكۆ دیار كر یاریزانێن وان تووشی غەدرا دادڤانان بوون و كۆمەكا ئاریشەیان كەڤتە د ڕێكا واندا د دەمێ ئەنجامدانا قارەمانیا ئیراقێ یا یاریا كیك بۆكسینگێ ئەوا باژێرێ شەقلاوە ل هەولێرا پایتەخت مێڤانداریا وێ كری، لێ نەبوو رێگر ژ ئارمانجا خوە بێ هیڤی بین.
ناڤهاتی ئەوچەندە ژی گۆت: ل دووڤ ئەوان كاودان و گڤاشتنێن ل سەر یاریزانێن مە و یانەیا ئامێدیێ هاتین ب دەستڤەئینانا شەش رێزێن ئێكێ هەتا سێیێ ژی ئەنجامەكێ باشە و گەشبینییە كو بەرانبەر دا ئەو غەدرا ل یاریزانان هاتیە كرن لێ نە بوو رێگر بگەهنە ئارمانجێن خوە سەرباری هەكە ئەو غەدر نەبا دا هەتا چار ناسناڤان دەستڤە ئینن، ژهۆكارێن خراب یێن قارەمانیێ هۆلا هاتییە دەستنیشانكرن بۆ ئەنجامدانا یارییان خۆشییا هەڤڕكیێ ژ دەستدابوو ژبەر نەبوونا كێمترین خالێن یاسایی ژ وانا نەبوونا سیستەمێ ساركرنێ كو ئەڤ ئاریشە كارتیكرنا نەرێنی ل سەر ئاست و زاخا یاریزانێن مە كرن تایبەت چەستەیێ وان، بەرۆڤاژی یاریزانێن ناڤەراست و باشۆرێ ئیراقێ ئەوێن بوو وان پلەیا گەرمێ یا ئاسایی بوو، دیسان چەند یاریزانێن مە تووشی غەدرا دادڤانان بوو ب نە هژمارتنا خالێن وان كو ئەڤچەندە بوو ئەگەر ئەو یاریزانێن عەرەب كۆنترۆلا قارەمانیێ بكەن، لێ ئەم مە نەهێلا ژ ئەنجامێن باش بێ هیڤی بن.
بۆ زانین هەردو یانەیێن دهۆك و ئامێدیێ پشكداری قارەمانیێ بوون و ئەنجام بڤی رەنگی هاتبوون، بۆ سیستەمێ فۆل كۆنتاك زانا سالح كێشا 61 كگم ناسناڤ دەستڤەئینا، مستەفا فەرسەت بۆ +91 رێزا سێیێ هات، بۆ سیستەمێ k1 ئاراس فارس یا كێشا 54كگم، عەلی محەمەد عەلی 63 كگم، حەسەن مستەفا حەسەن +91كگم و یێ ئامێدیێ بەهزاد سالح 71 كگم كەی وان ریزێن دویێ ب دەستڤەئینان.