سامسونگ یان شیاومی باشتره تو بكری؟
ل ده‌مێ حه‌ز دكه‌ی مۆبایله‌كا نوو كری چو پێ نه‌ڤێت دێ پرسیارا هنده‌ك كه‌سان كه‌ی و پتریا وان ژی دێ ته د ناڤبه‌را سامسۆنگ و شیاومی دا دودل كه‌ن ب تایبه‌ت هه‌كه ئارمانجا ته ئایفۆن نه‌بیت. مۆبایلێن ڤان هه‌ردو كۆمپانیا د جودانه ژ لایێ تایبه‌تمه‌ندی و ساخله‌تان ڤه، ژ به‌ر هندێ ژی دێ بێژینه ته كیشك باشتره بكری بۆ نها.
– جورێ ئابووری یێ مۆبایلان:
دێ ژ مۆبایلێن ئه‌رزان ده‌ست پێ كه‌ین ئه‌ڤێن ل ڤێ دووماهیێ سه‌ركه‌فتنه‌كا ئێكجار مه‌زن ب ده‌ست خوه ڤه ئینای و داخوازیه‌كا زۆر ل سه‌ر هه‌یی، شیاومیێ ژماره‌كا زۆرا مۆبایلان یێن هه‌ین ب بهایان هه‌ڤركیا ئێك دكه‌ن، سامسۆنگ ژی ل سه‌ر ڤێ ته‌خا وه‌لاتیان كار دكه‌ت، ب ره‌نگه‌كێ گشتی شیاومی باشتره هه‌كه تو ژ وان كه‌سان بی یێ ته بڤێت مۆبایله‌كا ئه‌رزان بكری و تایبه‌تمه‌ندیێن وێ هه‌تا راده‌كی دباش بن و ب تایبه‌ت مۆبایلێن پۆكۆ.
مۆبایلێن باش:
ده‌رباره‌یی وان مۆبایلێن كۆمپانیێن وان شانازیێ بكه‌ن و ته‌كنۆلۆژیه‌كا گه‌له‌ك جوان و تایبه‌ت تێدا هاتیه بكارئینان سامسۆنگ گالاكسی ئێس 22 یه، شیاومیێ ژی شیاومی 12 یا هه‌ی وه‌كو هه‌ڤركا وێ.
هه‌ردویان ژی سێ زنجیره یێن هه‌ین، شاشێن وان ژی ئامولێدن ب سه‌رجه‌مێ نووكری یێ 120 هێرتز و سیسته‌مێ كاركرنێ یێ ئه‌ندرۆید 12 و نفشێ پێنجێ ل سه‌ر كار دكه‌ت و گه‌له‌ك تایبه‌تمه‌ندیێن دژی.
تشتێ جودا تێدا دهێته دیتن ئه‌وه له‌زاتیا بارگه‌كرنێ و پاتریێ شیاومی باشتره، به‌لێ كامیره یا گالاكسیێ باشتره ب تایبه‌ت ئه‌ڤ نووكرنێن ل ڤێ دووماهیێ بۆ هاتین.
ده‌رباره‌ی نووكرنان ژی سامسۆنگ ب سه‌ر دكه‌ڤیت پشتی ڤان نووكرنێن ڤێ دووماهیێ و پێنج سالێن به‌رده‌وام یێن پاراستنا سێكسورتیێ هه‌ڤدژی شیاومیێ سێ سال ژ نووكرن و چار سال ژ نووكرنێن سێكیورتی.
مۆبایلێن ناڤنجی:
بۆ ئه‌ڤ كه‌سێن بۆدجه‌كێ باش ل به‌ر ده‌ست نه‌بیت و هزر ل مۆبایلێن ناڤنجی بكه‌ت، سامسونگ و شیاومیێ ژماره‌كا ئێكجار زۆر یا ڤان مۆبایلان د بازاری دا هه‌یه، ب تایبه‌ت ئه‌ڤ زنجیرێن ل ڤان سالێن دووماهیێ هاتینه دروستكرن.
د ڤێ ده‌ربارێ دا، شیاومیێ ژماره‌كا باش یا مۆبایلێن رێدمی هه‌نه و كوالێتیه‌كا باش هه‌یه و سامسۆنگێ ژی ژماره‌كا زۆر یا گالاكسی ئه‌ی هه‌نه به‌لێ ب ره‌نگه‌كێ گشتی د مۆبایلێن نایاب دا سامسۆنگ باشتره و د یێن دژی دا شیاومی باشتره.