سایدێ ئێكێ ژ پڕۆژەیێ جۆتسایدێ شێخان بۆ لالشێ دێ كەڤیتە د خزمەتا وەلاتیان دا
شێخان، بارزان مزووری:
ئەندازیار سەمیر عیسا، سەرپەرشتێ پڕۆژەیێ جۆتسایدێ شێخان بۆ لالشێ بۆ رۆژناما ئەڤرۆ دیار كر، بڕیارە سایدێ ئێكێ ژ پڕۆژەیێ جۆتسایدێ شێخان بۆ لالشێ ل دەستپێكا مەها گولانا ئەڤ سالە ب فەرمی بهێتە ڤەكرن و بكەڤیتە د خزمەتا شۆفێر و وەلاتیان دا.
ناڤبری گۆت: «نوكە مە دەست ب قێركرنا سایدێ ئێكێ كریە و كار ناهێت راوەستاندن هەتا ئەڤ سایدە ب تمامی بهێتە قێركرن».
ئەندازیار خەدیجا، ریڤەبەرا رێك و پران ل پارێزگەها دهۆكێ بۆ رۆژناما ئەڤرۆ دیار كر، قووناغێن ب زەحمەت یێن پڕۆژەی ب دووماهی هاتینە و گۆت: «بڕیارە د ڤان رۆژان دا كارێ سایدێ ئێكێ ب دووماهی بهێت و كار د سایدێ دویێ دا بهێتە كرن، دیسا هەر كەسێ ئەردێ وی بكەڤیتە بەر ڤی پڕۆژەی دێ هێتە قەرەبووكرن، ئەم ناهێلین زیان ب وان بكەڤیت».
