ستانس حكمهت: سهنحاریب باشترین شێوه نوونهراتیا پارێزگههێ دكهت
ئهڤرۆ،
هاریكارێ راهێنهرێ تیما باسكت بۆلا یانا سهنحاریب سهر ئاستێ كچان بۆ رۆژناما ئهڤرۆ دیاركر كو سهرباری ئاستهنگ و گڤاشتنێن كهفتینه د رێیا تیما وان دا بهری دهستپێكرنا قارهمانیێ لێ پشتی بورینا سێ یاریا شیاینه باشترین شێوه نوونهراتیا پارێزگهها دهۆكێ د قارهمانیا ئیراقێ دا بكهن، ئهوا نوكه ههڤڕكیێن وێ ل ههولێرا پیتهخت دهێنه كرن.
زێدهتر ستانس حكمهت گوت: تیما مه ب كچێن پارێزگههێ نه ژ یێن بچووك و شارهزا بیێ ههبوونا چو یاریزانێن دهرڤهیی دهۆكێ كو بۆ ماوێ زێدهتری ههیڤهكێ راهێنانێن خوه ئهنجامدان بۆ قارهمانیا ئیراقێ ئهوا نوكه ل ههولێرا پایتهخت دهێنهكرن، د كۆما مه دا سێ یاری ئهنجامدان و دهربازبوونه چارگۆشا زێرین ب سهركهفتن ل سهر ههر ئێك ژ ئافرۆدێت ب ئهنجامێ 77- 28 خالان و ل سهر تیما ئهكاد یا دویێ ب 88- 29 خالان و سهركهفتین لسهر ئافرهتێن ههولێرێ ب 68- 34 خالان و ئهڤرۆ دێ یاریا خوه ل گهل یانا شههربان یا دیالا كهین.
ههروهسا ناڤهاتی ئهوچهنده ژی دیاركر كو سهرباری ئاستهنگێن كهفتینه درێكا وان دا تایبهت یێن دارایی و گوهۆرینا جهێ ههڤڕكیێن قارهمانیێ ژ دهۆكێ بۆ ههولێرێ لێ رژدبوون بهێز پشكداربن و ههتا نوكه ژی باشترین شێوه كچێن سهنحاریب نوونهراتیا پارێزگههێ دكهن و دهستا ژ ئارمانجا ناسناڤی نا بهردهن.