سترانا ئەڤینیێ سترانەکا نەمرە
ھەرھین:
ھاشم بوسەلی سترانبێژێ کوچکۆ دیوانان د دیدارەکێ دا بۆ بەرپەرێ ھونەری یێ رۆژناما ئەڤرۆ ئاشکەراکر کو بۆ دەمەکە ئەوی دەست ب پێشکێشکرنا پرۆگرامەکێ فلکلۆری کریە بناڤێ ( کەڤی) ل رادیۆیا وار و ناڤەرۆکا ئەوی پرۆگرامی فلکلۆری گەلەریە و ھەموو سترانبێژێن فلکلۆری دێ دڤی پرۆگرامی دا مێڤان بن و ئەڤ پرۆگرامە حەفتیانە ل رادیویا وار دھێتە پێشکرن و ئێکەم خەلەکە ژی ھاتیە پەخشکرن.
ھەروەسا گۆتژی: سترانا ئەڤینی سترانەکا نەمرە و ھندی دونیا ھەبیت دێ سترانا ئەڤینی ھەبیت و زەمانێ شەر و شورا چوو، بەلێ پێدڤیە سترانبێژ وان سترانان ژی بزانیت ب تایبەتی مللەتێ کورد گەلەک شورەش کرینە دڤێت وزان ژبیر نەکەت و مللەتێ مە ژی گەلەک شەر کریە و بەرەڤانی ژ خوە کریە و گەلەک داستان ژی تومارکرینە.
ئەوچەندە ژی گۆت: من پتر خوە دستران گۆتنێ دا دیتیە نەک و پێشکێشکاریێ، چونکو ل دەستپێکا من ب ستران گۆتنێ بوویە و بەرنیاس بوویمە، بەلی ھەکە شیانێن مرۆڤی بەرفرەە بن مرۆڤ نەچارە ھندەک کارێن دی ژی بکەت و ئەز وەکو سترانبێژەکێ سترانێن کۆچکو دیوانا و فلکلۆری خوە دکارێ پێشکێشکاریێ ژی دا دبینم و بەری نوکە ژی من ل چەندین کەنالێن تەلەڤزیونی کارکریە وەکو پێشکێشکارێ پرۆگرامێن سترانێن کوچکو دیوانان وگەلەک یا گرنگە پێشکێشکارێ پرۆگرامێن ھونەری ھونەرمەند بیت دێ باشتر بیت، بەلێ ھەکە نە ھونەرمەند بیت پێدڤیە شارەزایەکا باش دھونەری دا ھەبیت دا کو بشێت دانوستاندنێ ل گەل وی ھونەرمەندی بکەت یێ کو ئەو مێھڤان دکەت و ھەردیسان پێشکێشکار ھەکە ھونەرمەند بیت مفایەکێ دی ژی ھەیە ئەو ژی ھەکە جارەکێ ئاریشەک دپرۆگرامی دا ھەبیت، یان مێھڤان ئاما دەنە بوو ھوینگێ پێشکێشکارێ ھونەرمەند دێ رولێ خوە بیت و دبیت وی پرۆگرامی ب رێڤەبەت ھەکە مێھڤان ئامادە نەبیت ژی.
