سترانا (دلێ من دینه) دێ كلیپ كه‌ت
ئه‌ڤرۆ:
هونه‌رمه‌ند عه‌بدولقه‌هار زاخۆیی ئاشكرا كر كو وی چار سترانێن نوو تۆماركرینه و نوكه د قووناغا كلیپكرنێ دانه كو بابه‌تێ دو ژوان سترانان ل دۆر ئه‌ڤینیێ نه و سترانه‌ك ژی وی بۆ وان گه‌نجان گۆتیه یێن دلێ وان پری خه‌م و گۆت: “ژ به‌ر كو د هه‌یاما بۆری دا گه‌له‌ك خۆشتڤیێن من ژ ئه‌گه‌رێ تووشبوونێ ب ڤایرۆسێ كۆرۆنایێ گیانێ خوه ژ ده‌ست دا من سترانه‌ك بۆ وان كه‌سان گۆتیه یێن كو خۆشتڤیێن وان ژ به‌ر ڤی ڤایرۆسی گیانێ خوه ژده‌ست دایی”.
ناڤهاتی ئاماژه دا وێ چه‌ندێ كو چیرۆكێن ڤان چار سترانێن وی گۆتین چو په‌یوه‌ندی ب وی ڤه نینه، به‌لكو وی دڤێت ب رێیا سترانگۆتنێ خزمه‌تا مرۆڤایه‌تیێ بكه‌ت و بۆ كه‌نالێ وار گۆت: “ل ده‌مه‌كێ نێزیك دێ سترانه‌كا نوو بناڤێ (دلێ من دینه) كلیپ كه‌م كو سیناریۆیه‌كا گه‌له‌ك جوان بۆ ڤێ كلیپێ ژ لایێ ده‌رهێنه‌رێ خودان شیان (كاروان مێسكی) ڤه هاتیه دانان”.
