سترانا سەردەم یا وەرزی یە
هەرهین محەمەد:
ئوسمان سندی، سترانبێژێ كوچكۆ دیوانان، د دیدارەكێ دا بۆ رۆژنامەیا ئەڤرۆ گۆت: د بەرێ دا كاستێت و سیدێن سترانبێژێن كوچكو دیوانان هەبوون و هەتا پازدە كاسێتان ژی من تژی كرینە و نوكە ل تۆمارگەهانن و هەكە پشتەڤانی ل مە بهێتە كرن هەتا سیه سترانان ژی دێ بێژم و سترانێن فولكلۆری یێن كوچكۆ دیوانان نە وەكو سترانێن سەردەم د وەرزی نە.
هەروەسا گۆت: ل دەستپێكا دانانا تیپا داسنیا یا فولكلۆری بەرپرسی وێ (عابد دهۆكی) بوو، پاشی بۆ (كامیران هروری) ل وێرێ وی خوە ل مە كرە خودان و سترانێن هەموو دەنگبێژان تۆماردكرن و ئەم هەمووو ل وێرێ كۆمڤە د بووین و مە ستران دگۆتن و مە ئێك و دیت و مەزاختی ل مە دكر و ئەو تیپە نوكە نەمایە و وەكو ئەز سترانبێژەكێ كورێ زاخۆ هەتا نوكە سەندیكا هونەرمەندان ل زاخۆ پسیارا مە نەكریە و كا هەوە چو داخوازی هەیە و سێ چارجهان من داخوازا ناسنامەیا سەندیكایێ كریە و هەتا نوكە كەسێ بۆ من چێنەكریە و ئەڤە بیست و هەشت سالن سترانان دبێژم و هەتا نوكە یێ بەردەوامم و بەرهەم و سترانێن من ژی بەلگەنە ل سەر ڤێ چەندێ و هەكە سترانبێژەكێ سەردەم بیت و سترانەكێ ل گەل كچەكێ چێكەت پتر گرنگی پێ دهێتە دان و ناسنامە ژی دێ بۆ هێتە چێكرن.
