سترانبێژەكا فرەنسی دێ ئەلبۆمەكا سترانێن كوردی تۆماركەت
سولین سلێمان:
ئێلینۆرا فۆرینا، سترانبێژەكا فرەنسی یە، بۆ دەمێ چەندین سالانە سترانان ب زمانێ كوردی دبێژیت و نووترین كارێ وێ ژی چێكرنا ئەلبۆمەكا سترانانە ب زمانێ كوردی.
ناڤهاتی، كو ئەڤە دەمەكە ل باكۆرێ كوردستانێ دژیت، بۆ رۆژناما ئەڤرۆ گۆت: ئەز ل 2010 چۆبوومە ئیستەنبۆلێ و گرنگیەكا زۆر ب هونەر و كلتۆر و جۆگرافیا كوردستانێ ددەم، ل دەستپێكێ ل وێرێ من خوە فێری مۆزیكا توركی كر، پشتی دەمەكی من هندەك مۆزیكژەنێن كورد نیاسین و گرۆپەك ب ناڤێ (ئیزمان) چێكر و بڤی رەنگی من حەزژ مۆزیكا كوردی كر و پشتی دەمەكی من سترانێن كوردی ژی گۆتن، ئەو ژی هەروەسا گۆت: پشتی باش ئەز فێری زمانێ كوردی بوویم من دەست ب گۆتنا سترانێن كوردی ژی كر و نوكە ئەز حەزژ دەنگێ هەموو سترانبێژین كوردكەم، لەورا دێ ئەلبۆمەكا سترانێن كوردی تۆماركەم.
