سترانبێژەک: گۆتنا سترانێن شەهیانان گەلەک گرنگیا خوە ل دەف من هەیە
بێوار حەمدی:
سترانبێژ «کارزان عابد» د دیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: من گەلەک حەز لسەر سترانگۆتنێ هەبوو هێشتا ئەز زاروو بووم، هەموو دەما هەڤاڵان دگۆتەمن دەنگێ تە گەلەک یێ خوەشە، پاشی ل ساڵا 2008 من ستران گۆتن دەسپێکر، ئەز پتر سترانێن شەهیانا دبێژم و دەمێ د ناڤ شەهیانێن بیک و زاڤایان دا ئامادەدبم گەلەک دلخوەش دبم، چونکی ستایلێ دەنگێ من پتر ب سەر ڤان جورە سترانان ڤە دچیت.
کارزانی هێشتا گۆت: هەتا نوکە بتنێ ماڵباتا من پشتەڤانێن من یێن سەرەکی نە و بڕاستی ژی چ هاریکاری هەتا نوکە ژ چو لایەنان بۆ من نەهاتیەکرن، ب لێبۆرینڤە مە گەلەک هونەرمەندێن وەکو من یێن دەنگخوەش هەنە، لێ ژ بەر دەست کۆرتیا وان دبەرزەنە، ئەڤە ددەمەکی دایە ئەز ب داهاتەکێ گەلەک کێم دچمە شەهیانان و گەلەک هاریکاریا ماڵا زاڤای دکەم ل دووڤ پێچێبوونا وان ڕەفتارێ دکەم.
