سترانبێژ چەند پەیڤێن سترانا ب گوھۆڕن نابنە مولکێ وان
ھەرھین محەمەد:
سترانبێژێ داوات و شەھیانان کەمال گویی ددیدارەکێ دا بۆ بەرپەرێ ھونەری یێ رۆژنامەیا ئەڤرۆ گۆت: دەڤەرا مە ب ناڤو دەنگە بدەواتان و دەمێ دەوات دھێتەکرن مرۆڤ بێژیت ھەموو ئەندامێن ئێک تیپن و ئەم ب چاڤێ نیزاما سەربازی تەماشە دکەین، چونکو دڤێت گوهـ و چاڤ پێکڤە تێر ببن و ھەکە بتنێ گوە تێربن چاڤ دێ مینتە برسی و ئەز گەلەک گرنگیێ دەمە دەواتی و دەوات یا ئێک رێزی بیت و دەستێ ئێک و دو نەبەردەن و سەرێ گوڤەندێ وەکو شڤانی یە و دڤێت ئاگەە ژ بنێ گوڤەندێ ھەبیت و داکو جوانیا دەواتێ دیاربکەت وگەلەک جورێن دەواتان ژی ھەنە وەکو تلنانێ، عەدیشو، عەمەر ئاغا، قورملە، بابلەکان، ھەرە باسو، بێریوکێ، شێخانی و ئەڤ جورێن جدەواتان ژی ھەموو ب ڤیدیو ھاتینە تومارکرن داکو نەھێنە ژبیرکرن و بەرزەکرن ھەروەسان کارێ کوژکۆ دیوانان ژی وەکو ستران و دەوات پشتی دەواتێ دەستپێدکەت.
ھەروەسا گۆت: بەردەوام دچمە دەواتان و ھەیڤی َھەتا چارجاران دھێمە دەواتێن دھۆکێ و ھەموو من داخاز دکەن و چوویمە پتریا عەشیرەتان، بەلێ ژ ھەموویان پتر چوویمە دەواتێن گوییا و چو جوداھی دناڤبەرا دەواتێن گوییا و یێن مللەتێ دی دانینە، بەلێ کوچەر ل چەپی دچن و ئەم راستی و ئەز ھەموو جورێن سترانان ل دەواتان دبێژم و چ جاران ل گەل ھندی نینم پەیڤا سترانێ بھێتە گۆھورین و گەلەک جاران من دیتیە سترانبێژان پەیڤ گوھورینە بتنێ دا ئەوێ سترانێ بکەتە مولکی خوە ب چ رەنگان نابیتە مولکێ ئەوی، چونکو ئەو سترانە فلکلۆرە و ب سەدەھان سالایە ھاتیە گۆتن.
