سترانه‌كا دویت دێ ل گه‌ل مه‌رال یلدزێ بێژیت
دهۆك، زنار تۆڤی:
شیار ئامه‌د، سترانبێژه‌كێ خه‌لكێ ئامه‌دێ یه ل باكورێ كوردستانێ، د دیداره‌كێ دا بۆ رۆژناما ئه‌ڤرۆ دیاركر كو هه‌ر د زارۆكاتییا خوه دا وی حه‌ز ژ سترانگۆتنێ كرییه و ل قوتابخانێ ستران دگۆتن، مالباتا وی ژ گه‌له‌ك پشته‌ڤانی لێ كرینه كو ئه‌و سترانان بێژیت و هه‌تا نوكه چه‌ند سترانێن سینگل گۆتینه و كلیپه‌ك ژی به‌لاڤ كریه، به‌لێ چو ئه‌لبۆمێن سترانان به‌لاڤ نه‌كرینه و ل دووف گۆتنا وی نوكه ئه‌لبۆمێ هند رۆلێ خوه نه‌مایه.
ناڤهاتی گۆت: نوكه ئه‌ز مژوولی تۆماركرنا سترانه‌كا نوومه ب ناڤێ (زوو وه‌ره) ژ په‌یڤ و ئاوازێن یێن سه‌ید ئاراپۆلی نه، ل نێزیك دێ كلیپ كه‌ت و خانما سترانبێژ مه‌رال یلدزێ هاریكاریا وی كریه د تۆماركرنا وێ سترانێ دا، كو ب زمانێن كوردی و توركی گۆتیه، وی ل به‌ره د ئه‌ڤ ساله دا سترانه‌كا دویت ل گه‌ل خانما سترانبێژ مه‌رال یلدزێ بێژیت و دێ وێ سترانێ ژی كلیپ كه‌ت.
