سترانگۆتن بەهرەیەك بوو د ناخێ من دا هەبوو
سولین سلێمان:
سترانبێژ (شوان عومەر) كو خەلكێ دەڤەرا مێرگەسۆرێ یە، د دیدارەكێ دا بۆ رۆژناما ئەڤرۆ دیاركر كو ژبلی سترانگۆتنێ ئەو دەرچۆیێ كولیژا ئادابێ یە، هەروەسا ل گەل سترانگۆتنێ ئامیرێ ئۆرگێ ژی د ژەنیت و هەتا نوكە چار بەرهەم هەنە و فلمەكێ دكیۆمەنتاری ل دۆر ژیان و بەرهەمێن وی یێن هونەری هاتیە چێكرن.
شوانی گۆت: سترانگۆتن بەهرەیەك بوو دناخێ مندا هەبوو، لەورا ل ژیێ نەه سالیێ من دەستپێكر، بۆ زانین ئەز هندەك جاران زارڤەكرنا هندەك كەسان دكەم، بۆ نموونە زارڤەكرنا مەدیاكارێ هێژا (شاهۆ ئەمین) كو ڤیدیۆیا وی گەلەك دەنگڤەدا و هژمارەكا ئێكجار زۆرا بینەران دیتینە، لێ ئەز زارڤەكرنێ ژی ل هەموو جه و جڤاتان ناكەم، سەبارەت سترانان ژی ئەز ب هونەرمەندێ مەزن (شڤان پەروەر) ی، هەروەسا هونەرمەندێ خودێ ژێرازی (ئەیاز یوسف) داخبارم و ل دەمەكێ نێزیك ب هاریكاریا ئیدارەیا سەربەخۆیا سۆران دێ كۆنسێرتەك بۆمە هێتە رێكخستن، ئەوژی ب هاریكاریا نڤیسینگەها بەرێز (مەلا مستەفا بارزانی) كو دێ سپۆنسەریا كلیپەكا من كەت.
