سترانێن خوە ب رێیا سۆشیال مەدیایێ بەلاڤ دكەت
زنار تۆڤی:
عسمەت ئاواز، سترانبێژەكێ خەلكێ جزیرا بۆتانە ل باكورێ كوردستانێ، دد دیدارەكێ دا بۆ رۆژناما ئەڤرۆ دیار كر كو ل سالا 1993 وی دەست ب سترانگۆتنێ كریە و ژ ئەگەرێ گۆتنا سترانێن شۆڕەشگێری چەندین جاران ژلایێ دەولەتا تورك ڤە، هاتیە گرتن و زیندانكرن، بەلێ هەر وی ستران گۆتینە و هەتا نوكە نەه كلیپ و سێ ئەلبۆمێن سترانان چێكرینە و ئەو دچیتە ئاهەنگ و هەلكەفتێن كوردان ل باكورێ كوردستانێ.
ناڤهاتی گۆت: من سترانەكا دویت ل گەل خانما سترانبێژ چیچەك تەكدەمیر ب ناڤێ (بەژنۆكێ) كلیپ كریە، كارێ وێنەكرنێ ژلایێ مستەفا یەشیلیرماك ڤە هاتیەكرن، ل چەند رۆژێن بۆری ل تۆرێن جڤاكی بەلاڤكریە و هیڤیا وی ئەوە، بشێت ب رێیا دەنگێ خۆ خزمەتا هونەرێ كوردی بكەت، هەروەسا ژبەر گرتنا رادیۆ و تەلەڤزیۆنێن كوردی ژ لایێ دەولەتا تورك ڤە، ئێدی ئەو سنرانێن خوە ب رێیا سۆشیال میدیایێ بەلاڤ دكەت.
