سترانێن دو قۆلی د ڕێ دا هەنە
شاهۆ فەرید:
سترانبێژ(كاوە كوڤان) د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا حەزا سترانگۆتنێ ل دەف من هەبوو، ئێكەم ستران من گۆتی یا (ئیسلام زاخۆی) بوو، ب ناڤێ( دەردێ گران) بوو، بۆ زانین ئەز ژ بنەمالەكا هونەری مە هەردو مامێن من هەلبەستڤان عیسا بەنستانی و دلخواز موسا رێڤەبەرێ رێڤەبەریا رەوشەنبیری و هونەری ل زاخۆ و بابێ من ب خوە ژی هونەر دوستە هەموو پشتەڤانیا من دكەن ببمە سترانبێژەكێ باش و نوكە مژوولی چەند سترانا مە و ل دەمەكێ نێزیك دێ بەلاڤكەم. هەروەسا گۆت: دەمێ من بڕیاردای بهێمە دناڤ هونەری دا من دڤیا ب شێوەیەكێ ئەكادیمی بخوینم و نوكە قوتابیمە ل پشكا مۆزیكێ ل پەیمانگەها ڤیا یا هونەرێن جوان و ل دەستپێكێ من هزر دكر ب تنێ هونەر سترانگۆتنە، بەلێ ل پەیمانگەهێ من خواند كو هونەر گەلەك تشتان ب خوەڤە دگریت، ژوانا فێربوونا مۆزیكێ، هەروەسا هونەرمەند عەبدولقەهار زاخۆیی پشتەڤانێ من یێ سەرەكی یە.
