سترانێن دەڤەرا شنگالێ دەربڕینێ ژ كارەساتان دكەن
دلڤین رەشید:
بەهرەمەند (دلخۆش حەیدەر عەلی) د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ سیبا شێخدرە سەر ب قەزا شنگالێ ڤە، ژیڵا وی پازدە سالن، هەر ژ زارۆكینیا خوە حەزا گۆتنا سترانێن فۆلكلورێ یێن دەڤەرا شنگالێ هەبوویە، خوە فێری ئامیری تەمبۆرێ كری.
ناڤهاتی گۆت: راستە پڕانیا سترانێن دەڤەرا شنگالێ دەربڕینی ژ وان نەخۆشی و كارەساتێن ب سەر مللەتێ مە دا هاتین دكەت، بەلێ ئەڤ چەندە ژی دبنە بەلگە ژبۆ مێژویێ، شنگال نە بتێ ب سترانێن خەمگین یا ناڤدارە، بەلكو ب سترانگۆتنێ ژی یا ناڤدارە و كارەسات و فەرمانێن دوژمنان چ جاران نەشێن ببنە ڕێگر ل هەمبەری ژناڤبرنا كلتۆرێ شنگالێ، جونكی باب و باپیرێن مە ئەڤ كلتۆرە پاراستینە ژبۆ نڤشێ نوو ڤەگوهاستینە، ئەم وەك گەنج ژی دێ ئەڤی ئەمانەتی پارێزین.
