سترانێن (شوكری رێكانی) گەلەك ل گەل دەنگێ مە دگونجن
هەرهین محەمەد:
ئوسمان بەرواری و سەلاح بەرواری، دو گەنجێن برایێن ئێكن و سترانبێژێن كوچكودیوانان دبێژن، د دیدارەكێ دا بۆ رۆژنامەیا ئەڤرۆ دبێژن: ئەم هەردو پێكڤە سترانان دبێژین و ئەڤان سترانان ژی هندی حەزا مە ل سەر و هەرتشتەكێ بۆ مرۆڤی دبیتە مەرەق چەند یێ ب زەحمەت بیت بۆ مرۆڤی ب ساناهی دكەڤیت و ل دەستپێكێ چەند جاران گوهداریا سترانێ دكەین و پاشی ژبەردكەین و ئەم گەلەك داخبارێن سترانێن سترانبێژێ كوچكودیوانان (شوكری رێكانی) نە و سترانێن وی گەلەك ل گەل دەنگێ مە دگونجن و سترانێن هەموو سترانبێژان دبێژین چ یێن دەواتان بن، یان چو لاوك و پەستە بن ئەم دبێژن.
سەلاحی گۆت: گوندێ مە (بەربیرێ) دكەڤیتە ئالیێ سەر زێری و مە گەلەك دەنگێن خۆش هەنە، بەلێ ئەوان خوە دیاركریە و ژبنەمالا مە ئەزو برایێ خوە سترانان دبێژین و برایێ من ئوسمان گەلەك یێ ل گەل من هاریكارە و ئەو بۆ من وەكو مامۆستایەكی یە د بیاڤێ سترانگۆتنێ دا.