سترانێن فولكلۆری بۆ مە ژ باب و باپیران ماینە و نەمرن
دلۆڤان هالۆ:
سترانبێژێ فولكلۆری (هاشم بۆسەلی) د دیدارەكێ دا بۆ رۆژنامەیا ئەڤرۆ گۆت: دەمەكە مژوولی كارەكێ نوومە، ئەو ژی ب هەڤكاریا بەرێز ماموستا (قەچاغ) ی، ئەو ژی دێ داستان و بەندێن هەردو سترانێن (لەعلیخانێ و هەسامێ) و سترانا (شاهینۆ و مێمۆكێ) ب تەمامی ب شێوێ دوقۆلی ل گەل سترانبێژەكا دەنگخۆشا ژن تۆماربكەم كو ئەز بەندا زەلامی و ئەو یا ژنێ دبێژیت و هیڤیا من ئەوە جهێ خوە بگریت و ب دلێ هەر كەسەك بیت، ب تایبەت ژی حەزژێكەرێن سترانێن فولكلۆری.
هەروەسا گۆت: هەر سترانەكا فولكلۆری چیرۆك و سەرهاتی و روودانەك یا ل پشت هەی و پ خۆشحالی ڤە گەنجێن مە نوكە پتر حەزژ سترانێن فولكلۆری دكەن، چنكو ئەو دزانن سترانێن سەردەم د دەمكی نە و سترانێن فولكلۆری ژ باب و باپیران بۆ مە ماینە و ئەو د نەمرن.
