سترانێن كۆچك و دیوانان بۆ گۆتنێ ب زەحمەتن
هەرهین محەمەد:
سترانبێژ (مەهدی گولی) د دیدارەكێ دا بۆ رۆژناما ئەڤرۆ گۆت: پتریا سترانبێژێن ڤی سەردەمی یێن دەواتان گوهۆڕینیێ د پەیڤێن سترانێن فولكلۆری دا دكەن و پرسیار ناكەن كا ئەڤ پەیڤە د دروستن یان نە و سترانا فولكلۆری مێژوویا كوردەواری یە و چ جاران نامریت و حەزژێكەرێن وێ كێم نابن، چونكو پەیڤێن سترانێن فولكۆری د نەمرن.
ناڤبری گۆت: سترانا كوچك ودیوانان نە یا ب ساناهیی یە بۆ گۆتنێ، بەلكو یا ب زەحمەتە و سترانا سەردەم بۆ سترانبێژێ كۆچك و دیوانان گەلەك یا ب ساناهی یە و دشێت د دەمەكی َكورت دا ژبەركەت و بێژیت، بەلێ سترانبێژێ سەردەم نەشێت سترانا كۆچك و دیوانان بێژیت ل كوردستانێ هونەر هاتیە پشت گوه هاڤێتن و بتنێ گرنگی ب هندەك هونەرمەندان دهێتە دان و مرۆڤ دشێت ب تبلێن دەستان ب هژمێریت.
