سترانێن نووخاز زوو دمرن
هەرهین محەمەد:
سترانبێژ(رێوی تەمۆ) كو ژ رۆژئاڤایێ كوردستانێ یە وچەند سالن ل وەلاتێ ئەلمانیا دژیت، د دیدارەكێ دا بۆ رۆژناما ئەڤرۆ گۆت: نوكە مژوولی سترانەكێ مە ب ناڤێ (لێ دلێ) ژ پەیڤ و ئاوازێن د. فەیزولا حەزنەوی، دەرهێننانا كلیپێ یا من ب خوە یە، ئەڤ سترانە وی ب دیاری دابۆ من بەری وەغەربكەت، ل نێزیك دێ بەلاڤ بیت.
تەمۆی گۆت: ب مخابنی ڤە نوكە ئەو سترانا نوكە سترانبێژن گەنج دبێژن هەر زوو دمریت و ئەڤ چەندەژی ژ بۆ پەیڤ و ئاواز و گۆتنێ دزڤریت و دەمێ هەلبەست دهێتە نڤیسین دڤێت رامانا خوە هەبیت و دەمێ رامانا خوە هەبیت ئەو هەلبەستەجهێ خوە دگریت ل پاشەرۆژێ دا و نامریت، بەلێ سترانا بێ رامان بیت ژیێ ئەوێ گەلەك یێ كێمە و زوو دمریت و پەنابەری قوتابخانەكە هەر كەسەكێ ئاوارە دبیت هەستێن وی پترخورتتر دبن و دكەڤیتە وارەكێ دیدا و دووری وەلات و دایك و دوست و هەڤال و ئەڤینیێ دكەڤیت و دەمێ سترانبێژ، یان هەلبەست ڤان هەلبەستەكێ چێدكەت ب رامان چێكەت و بێژیت و باوەر دكەم گەلەك كەسان ئەڤ تشتە دیتیە.
