سترانێن وێ بووینە ترێندێن سۆشیال مەدیایێ
سۆلین سلێمان:
سترانبێژ (سەما خودایی) كو ئاكنجیا باژێرێ سنەیە ل رۆژهەلاتێ كوردستانێ، د دیدارەكێ دا بۆ رۆژنامەیا ئەڤرۆ گۆت: ئەز سترانێن خوە گەلەك ب هەست دبێژم، ئانكو ل دەمێ سترانگۆتنێ ب هەست و سۆزەكا كوور دچمە ناڤ ناڤەرۆكا وێ دا، لەورا د دەمەكێ كێمدا بەرنیاس بووم.
هەروەسا گۆت: ئەڤە دەمەكە ئەز كاری ل سەر چێكرنا ئەلبۆمەكا سترانان دكەم و هەر سترانەكا دوێ ئەلبۆمێ دا چیرۆك یان سەرهەتیەكا تایبەت هەیە، لەورا هیڤیا من ئەوە پشتی بەلاڤ دبیت ب دلێ گوهداران بیت و خەلكەك دەمەكێ خۆش ل گەل وان سترانان ب بۆرینن، سوپاس بۆ مالباتا من كو هاریكار و پشتەڤانێن منن بو سترانگۆتنێ، ب تایبەت ژی بابێ من، كو ئەو ب خوە ژی سترانبێژە و دەنگێ وی گەلەكێ خۆشە، بۆ زانین هەر سترانەكا من بەلاڤكری بوویە ترێندا سۆشیال مەدیایێ.
