سترانەکا نوو دڕێ دایە
ئه‌ڤرۆ نيوز:
پشتی ل ھەیا بۆری رەوشا ساخلەمیا ھونەرمەند عەدنان سالح بەر باشیێ ڤە چووی، نوکە یێ خوە بەرھەڤ دکەت دا ل چەند رۆژێن بھێن کلیپەکێ ل دۆر جەژنا نەورۆزێ چێ بکەت، و ئەڤە دێ بیتە کلیپا وی یا ئێکێ پشتی نەخۆشیا وی.
عەدنانی، بۆ ئەڤرۆ گۆت: سترانا نەورۆز ژ پەیڤ و ئاوازێن ھونەرمەند شێرزاد محەمەد سەعید، بەری نوکە وەکو دەنگ ھاتیە تۆمارکرن، و ئەم یێ ل ھیڤیێ ل نێزیک دەست ب وێنەکرنا وێ بکەین، کو ئەو ژی دێ ژلایێ کەنالێ وار ڤە ھێتە کلیپکرن.
ل دۆر رەوشا ساخلەمیا خۆ ژی گۆت: بەری کێمتر ژ ھەیڤەکێ ئەز چووبوومە ئەلمانیا، ل نەخۆشخانەکا ھەرە باش پشکنین بۆ من ھاتنە کرن، نۆشداران گۆتە من رەوشا تە یا ساخلەمیێ بەر باشیێ، لێ پێدڤیە بەردەوام تۆ پارێزێ بکەی.
