سترانەک ب چار زمانان تۆمارکر
ئەڤرۆ، عەزیز ھەورامی:
بەری چەند رۆژان سترانەکا نوو کو دەربڕینێ ژ پێکڤەژیانا خەلکێ کەرکووکێ دکەت ژلایێ خانم (رۆبار رەشید کاکەیی) ب چار زمانان (کوردی، عەرەبی، تورکمانی، سریانی) ھاتە تۆمارکرن و ھزرا تۆمارکرنا ڤێ سترانێ یا ھەڤژینێ وێ بوو.
ل دۆر وێ سترانێ ناڤھاتیێ بۆ رۆژناما ئەڤرۆ گۆت: راستە کەرکووک باژێرێ کوردانە و ناسناما وێ کوردستانە، بەلێ دەمەکێ درێژە کورد و عەرەب و تورکمان و سریانی وەک برا پێکڤە ل وی باژێرێ دژین، لەورا ئەم دبێژینێ باژێرێ پێکڤەژیانێ، ژبەر وێ چەندێ ئەو ھزر بۆ ھەڤژینێ من (ھەژار رەشید) چێبوو کو سترانەکێ ب وان چار زمانێن ل سەر مە دیارکرین بێژین، ب خۆشحالی ڤە ئەز رازیبووم و ستران ھاتە تۆمارکرن، ئاوازا وێ یا ھونەرمەند ئەحمەد ھەیاسە، پێنج ھەلبەستڤانان ژی پشکداری د نڤیسینا تێکستێ سترانێ دا کرینە، پەیڤێن پشکا کوردی ھەلبەستڤان ئارام پەشێۆ و سەلاح میرزا نڤیسی نە، و یێن عەرەبی ژی حوسام سەبعاوی، و یێن تۆرکمانی ژی قەحتان بەیاتی و یێن سریانی گۆرگیس جۆرج و مەرەم ژ ھەلبژارتنا پێنج ھەلبەستڤانان کو ژ چار نەتەوان بوون پێ ئەوە ھەر ئێک دیدو بۆچۆنێن خوە ل دۆر پێکڤەژیانا خەلکێ کەرکووکێ دیارکەن.
