ستران بوویه پشه‌كه‌كا گرنگ دژیانا وی دا
بارزان، ره‌مه‌زان هه‌رنی:
سترانبێژ سه‌عید زێوه‌یی، د دیداره‌كێ دا بۆ رۆژناما ئه‌ڤرۆ گۆت: ئه‌ڤه ده‌مه‌كه درێژه ئه‌ز سترانان دبێژم و نوكه ستران بوویه پشه‌كه‌كا گرنگ دژیانا مندا، سه‌ره‌رای كو كارێ منێ فه‌رمی پێشمه‌رگایه‌تیه، به‌لێ من ده‌ست ژ سترانگوتنێ به‌رنه‌دایه و هه‌ر یێ به‌رده‌ومم.
زێده‌تر گۆت: من هژماره‌كا به‌رهه‌مێن تۆماركری و كلیپ هه‌نه ژبه‌ركو ئه‌ڤه ده‌مه‌كێ درێژه ئه‌ز سترانان دبێژم به‌لێ پشتی هاتنا كۆرۆنایێ من چێكرنا كلیپان راگرتیه ونوكه بتنێ سترانان تۆماردكه‌م، به‌لێ مخابن وه‌كو پێدڤی هاریكاریا سترانبێژان بۆ چێكرنا به‌رهه‌مان ناهێته كرن و ئه‌و به‌رهه‌مێن من چێكرین ژی هه‌موو ل سه‌ر ئه‌ركێ من بووینه و ئه‌ز ناچمه ده‌هواتان ژی له‌ورا وه‌ك هونه‌ر چو داهات بۆ من ژێ ناهێت و گه‌له‌ك حه‌ز ژ ژه‌نینا ئامێرێ سازێ دكه‌م و به‌رده‌وام ل گه‌ل سترانێن خوه دژه‌نم ژبه‌ركو گرنگه سترانبێژ بزانیت ئامێریه‌كێ مۆزیكێ بژه‌نیت، بۆ زانین نوكه دو ستران ل به‌رده‌ستێ منن، به‌لێ ژبه‌ر نه‌بوونا هاریكاریێ نه‌شیایمه ب دووماهی بینم كو من پێدڤی ب كامیرێ و ستۆدیۆیێ هه‌یه ئه‌و ژی پێدڤی ب پاره‌یه هه‌كه نه‌بوون دێ نه‌چار بم ب ره‌نگه‌كێ نۆرمال تۆماركه‌م بێ كلیپ.
