ستێرا ئەسمانێ وەلاتی
نایف مەحموود
ل ڕۆژەکا
بارانا ڕۆندکان
ئاخا باژێرێ من
ژ خەم و کەسەران تەنی..
ستێرەکا گەشا
ئەسمانێ وەلاتی ڕژیا و وەغەرکر
چ سپێدەهی بوو!
کراسێ ڕەش کریە بەر بەژنا
بوهارا ڕەنگین و
وارێ مە ژ بهیستنا دەنگێ تە کاڤلکر
چ هیڤی بوون هەر زوی مرین؟
ئەو چ پەیڤ بوون د ناخێ تە دا بووینە
داستان، بووینە پەرتووک، هەلبەست و ڕۆمان؟
قەدەر وابوو.. پاییزێ دارا مە وەراند،
کانیا ڤەژەنێ هشک کر
چ زێمارەک ب ئێش ژان بوو!
بەلێ دوهی ل بەر ڕوناهیا چاڤێ ڕۆژێ
هەناسا هیڤی و ئۆمێدان
ژ قولتەینا گڕنژینێ دکێشا و
ئەڤرۆ ب خەم و کۆڤان ڤە
شاهی و شادیا مە بۆ شینی ڤە و
جەرگێ ژیانێ وێرانکر
بەلێ دوهی بوو ل زیندانێ پاشایێ
ڕکەهــ و سێدارا کوردینیێ
پێشوازی لێ کری، چ قەید و بەند
نەشیان ژ هەست و ئەڤینا وەلاتی سست و پاشگەز بکەن..
ئیرۆ ژی ب ناڤێ خوە یێ بلند
ب سەرێ خوەیێ بلند
مینا کومتێن چیا دبن سیبەرا
ئالایێ کوردینیێ ڤە
مێژوویەکا سپی ل دویڤ خوە هێلا و
ب شانازی ڤە وەغەرکر.
