ستەورە خەون
خورشید توفیق باكۆزی
ئەڤ خەونا هە
دژێر قەلپیزێ
گریڤانێن هەبوونێدا
یا نەزۆكەو
هەموو ژانێن وێ دبێ بەڕن.
ستەورەخەونە
هزرێن كویر و
حەزێن دویربین..
ژڤیانا رۆژێ ئادەدكەت..
ئەڤ خەوناهە
دگاخا گەرما ناخێ مندا
مەست و هاڕە و
نەژ ڕكا خۆ تێتە خوارێ و
نە دادكەڤیت
نە ژی دگەل چەرخا دەمیدا
ژجه دلیڤیت و
بەرەف ژۆریا دەمی دفڕیت
هندی دبینم..
من خەون خەمەكا زڤڕە و
دكولكێ گەرمێ ئەز ئەزیێ دا
دكەرب و كین و دهەڤڕكیێدا
چرایێ هیڤیا دڤەمریت..
شەڤا وێران دگەل ئەلندێ
هەریا ب شەڕە و
دەست و پێن رۆناهیێ دبریت..
ئەز نوزانم ..؟
ئەڤ خەوناهە
دكەلا بەرزا بێدادیێدا
میرێ جنان هنگافتییە
یان ژ نفرەتێن شێخێ نەدڕا
دچلخانێدا یا خڕیای و
ژبەر خڕیانێ
دئوبالاندا پلپلكییە و
تە بگرتییە و هەرنەزۆكە
پەریشانێ ژبەر ڤێ ژانێ
ژانا دژواڕ یا دل تەنگە و
بێ سەودایە..
ئەڤە ژمێژە بەرناگریت..
بەرناگریت..
