سروشتێ كوردستانێ بەرێ وێ دایە وێنەگرتنێ
شاكر ئەتروشی
وێنەگر (سۆزان باپیر) كو خەلكا باژێرێ زاخۆیە، د دیدارەكێ دا بۆ رۆژناما ئەڤرۆ گۆت: بەری پێنج سالان ب حەزا خوە من دەست ب كارێ وێنەگرتنێ كریە، ل وی دەمی برایێ من كامیرەك بۆ مال كڕی، پشتی مۆبایل هاتین من بەردەوامی پێ دا، خێزان و هەڤالێن من ژی گەلەك دهاریكار و پشتەڤانن.
سۆزانێ گۆت: ژبەر حەزا منا زێدە بۆ سروشتێ كوردستانێ بەرێ من دا وێنەگرتنێ، وەكو من گۆتی مال ژی، هەروەسا وێنەگرێن زاخۆ ژی پشتەڤان بوون، من گەلەك وێنە گرتینە و بەری دەمەكی ل ژێر چاڤدێریا هەرێمدارێ زاخۆ من پێشانگەهەكا تایبەت ڤەكر، بیست وێنە هاتنە نیشادان، هەروەسا من پشكداری د پێشانگەهێن نێڤدەولەتی ژی دا كریە ل دەمێ بۆری دەلیڤێن كاری ژی ل ستۆدیۆیان بۆ من هاتینە، لێ ئەز نەچووم چنكو پتر حەز ژ كارێ سەربەخوە دكەم و حەز دكەم ئێدی وێنەگرتن نەهێتە دیتن بەس بۆ رەگەزێ نێر بتنێ و بۆ پاشەرۆژێ من گەلەك هزر و پرۆژە هەنە و هیڤیا من ئەوە ببمە وێنەگرەكا چەلەنگ و داهێنانێ د كارێ خوە دا بكەم.
