سروشت
عبدالرحمن محمود
د باوەشا تەدا
ھزر و خەیال دبن رستک
ھەناسەیێن کویر
دناڤا دیمەنێن تەدا
ھەلدکێشین و
دجیھانا خەیالاندا
بێ ھوش دبین
جار وەکو بەلاتینکەکێ دفڕین و
ل بەر لێڤێن دەریایا
ھوزانێت دلداری ڤەدھینین
جارژی
مینا بازان
لسەرێ زناران
داستانێن قارەمانی
ڤەدلورینین
دیمەن و سیلاڤا
دکەینە کەڤال
ھەرکەڤالەکی
دکەین سترانەک
ھەر سترانەکێ
ب تونێن دلی
ئاوازا بۆ دژەنین و
خەمان ل دور گەردەنا
باروڤان دئالینین
