سرۆشتێ سیسته‌مێ خوارنێ ژ كه‌سه‌كی بۆ ئێكی جودایه
ئه‌ڤرۆ، به‌رپه‌رێ ساخله‌میێ:
سروشتێ سیسته‌مێ خوارنێ ژی ژ كه‌سه‌كی بۆ ئێكی دهێته گوهارتن ئه‌وژی ل دووڤ ژی و سه‌نگ و درێژیا مرۆڤی دمینیت دگه‌ل كا مرۆڤ چه‌ند هێزێ ب رێكا هاتن و چوونێ و كاری و وه‌رزشێ د مه‌زێخیت.
ژ بۆ زانینا سیسته‌مێ خوارنا ساخله‌م پێدڤیه ل دووڤ سێگوشه‌یا خوارنێ بچین و سێگوشه ژی یا پێكهاتیه ژ كومه‌كا خوارنێن سه‌ره‌كی كو پێدڤیه هه‌ر كه‌سه‌ك پێگیریێ پێ بكه‌ت، سێگوشه‌یا خوارنێ به‌رێ مه دده‌ته وێ چه‌ندێ كا دێ چه‌ند خوارنێ خووین و دیسان كومێن سه‌ره‌كی یێن خوارنێ پێكهاتینه ژ كوما گوشتی و شیری و به‌رهه‌مێن وی و زه‌رزه‌واتی و فێقی و نشایێ.
كوما نشایێ هه‌یه وه‌كو ( برنج و نان و كه‌لیك و مه‌عكه‌رونا) كو بنیاتێ هه‌ره‌می پێك دئینن و هه‌ره‌مێ خوارنێ دبێژیت پێدڤیه رۆژانه 6-11 قورچا وان خوارنا بخوین كو هه‌ر جاره‌ك یا پێكهاتی بیت ژ چارێكه‌كا نانی و 31 گرامێن كه‌لیكا و نیڤ كوپێ دانكێن هووركری یان برنجی و مه‌عه‌كه‌رونا و موكا نشایێ ب ژیده‌ره‌كێ گرنگێ هێزێ و ڤیتامین و كانزایان بۆ له‌شی دهێته نیاسین.
كوما زه‌رزه‌واتان ژی پێدڤیه رۆژانه 305 جارا بخوین و هه‌ر جاره‌كێ نیڤ كوپێ زه‌رزه‌واتێن ب به‌لگ یێن خاڤ و نیڤ كوپێ دی زه‌رزه‌واتێن كه‌لاندی بخوین و ئه‌ڤ كومه ڤیتامینا بۆ له‌شی دابین دكه‌ت و ژێده‌ره‌كێ گرنگیێ رووشالانه.
كوما سیێ ژی كوما فێقی یه كو پێدڤیه رۆژانه 3-4 جارا بخوین و هه‌ر جاره‌ك یا پێكهاتی بیت ژ سێڤه‌كا ناڤنجی یان پرته‌قاله‌ك یان موزه‌ك یانژی نیڤ گوپێ شه‌ربه‌تا سروشتی یا ڤان فێقیان.
كوما چوارێ یا گوشتی یه كو پێدڤیه 2-3 جارا بخوین و هه‌ر جاره‌كێ هێكه‌كێ یان 60 گرامێن گوشتی یان ماسیێ و مریشكێ، باشتره گوشتێ بێ روین بهێته خوارن و چه‌رمێ مریشكێ بهێته ژێڤه‌كرن و گه‌له‌ك زه‌ركا هێكێ ژی نه‌خوین ژبه‌ركه گه‌له‌ك كولیسترول دناڤدا هه‌یه و هه‌رده‌م باشتره گوشتێ سپی وه‌كو یێ مریشكا و ماسیان بخوین و ئه‌ڤ كومه پرۆتین و ڤیتامین و ئاسنی و زنكی دده‌ته له‌شێ مرۆڤی.
كوما دووماهیێ یا شیری و به‌رهه‌مێن وی یه كو باشتره رۆژانه 203 جاران بهێته خوارن و هه‌ر جاره‌ك یا پێكهاتی بیت ژ كوپه‌كێ شیری یان ماستی و باشتره یێن كێم روین بن و ئه‌ڤ كومه ژێده‌ره‌كێ گرنگێ پروتینا و كانزایانه.
كوپیتكا هه‌موو تشتان كو زیانێ ل ساخله‌میا مرۆڤی دكه‌ن روین و زه‌یت و شه‌كرن كو پێدڤیه ب كه‌میێن كێم بهێنه خوارن، ژبه‌ركو گه‌له‌ك كاوریان دده‌نه له‌شی و گه‌له‌ك مفایه‌كێ مه‌زن تێدا نینه و چ كومێن خوارنێ نینن كو باشتربن ژ كوما دی به‌لكو مه پێدڤی ب هه‌موو كومان هه‌یه.
