سعود دۆسكی ڕێزێن دویێ و سێیێ د قارەمانییا ئێن پی سی دا ب دەستڤەئینا
شاهۆ فەرید:
د داخویانیەكا تایبەت دا سعود دۆسكی یاریزانێ یارییا لەشجوانیێ بۆ رۆژنامەیا ئەڤرۆ دیار كر: گەلەكێ كەیفخوەشم كۆ شیایم د قارەمانیا جیهانێ ئێن پی سی رێزێن باش دەستڤە بینم ئەوا بەری چەند رۆژان ل وەلاتێ جورجستانێ هاتیە كرن، پشتی هەڤڕكیەكا دژوار ل گەل یاریزانێن پشكدار د قارەمانیێ دا.
هەروەسان ناڤهاتی گۆت: وەكو دهۆكی و كوردستانییەك من پشكداری كر ل سەر سێ ئاستان، د دو ئاستێن جودا من پلا دویێ و سێیێ دەستڤە ئینان ب مەدالیێن زیڤی و برۆنزی هاتمە خەلاتكرن، پێنەڤێت ئەڤ دەستكەڤە هاتن پشتی چەندین مەهێن خوە بەرهەڤكرنێ و وەستیانێ شیام بگەهمە ویێ چەندێ یامن ڤیایێ، وەكۆ كوڕە شەهیدەكێ باژێرێ دهۆكێ خوە سەر بلند بینم، ئەڤان مەدالیا دكەمە دیاری بۆ جەنابێ مەسرۆر بارزانی سەرۆكێ حكومەتا هەرێما كوردستانێ، هەروەسا پێشكێشی خەلكێ دهۆكێ و مالباتێن شەهیدا دكەم و هەر كەسێ هاریكار و پشتەڤانییا من كری هەتا شیایم بگەهمە ئەڤان رێزبەندیان.
