سعۆدییە نێزیكی مێڤاندارییا مۆندیالا جیهانێ بوویە
فدراسیۆنا فوتبۆلا جیهانێ fifa د دووماهی ڕاگەهاندنا خوە دا بلندترین هەلسەنگاندن بۆ بادەكا سعۆدیێ یا مۆندیالا 2034ێ دانایە ئەوا پێشكێشكی لژنەیا گشتی كری كو دهێتە هژمارتن بلندترین هەلسەنگاندن د دیرۆكا فیفایێ دا بۆ وەلاتێن بادەك پێشكێشكری، ئەوا بڕیارە ل 11ێ كانوونا دویێ یا سالا بهێت ئەو وەلاتێن دێ مێڤاندارییا هەردو مۆندیالێن 2030 و 2034ێ كەن.
ئاژانسا Saudi Press Agency یا دەنگۆباسێن سعۆدیێ د ڕاپۆرتەكێ دا دیار كر ل ناڤەڕاستا مەها بوری شاندەكێ بلند یێ فدراسیۆنا نێڤدەولەتی فیفا سەرەدانا وەلاتێ سعۆدیێ كربوو، دۆڤچوونا هەموو ئەوا باژێرێن هاتینە دەستنیشانكرن بۆ مۆندیالا 20234ێ كو بەری چەند مەهان سعۆدیێ پێشكێشكربوو، هەموو خالێن گرێدایی بۆ سەركەفتنا مێڤانداریكرنێ هاتبوونە دیتن، دوهی بفەرمی هەلسەنگاندنا بادەكا سعۆدیێ هاتە دانان كو ژ 500ێ 419 خال بوو دانان بوون ئەڤە ژی دبیتە بلندترین رێژە ل سەر ئاستێ هەموو موندیالێن بۆری و نێزكبوونە كو سعۆدییە دێ مێڤاندارییا 2034ێ ب دەستخوەڤە ئینیت.
میر عەبدولعەزیز بن تركی ین فەیسەل وەزیرێ وەرزشێ ل سعۆدیێ ڕاگەهاند حوكمەتا وەلاتێ وی هەموو بەرهەڤی كرینە و هەر تشتەكێ پێدڤی دانایە بەردەست ژبۆ وەرگرتنا مێڤانداریێ و گەشبینن دێ سعۆدییە بیتە مێڤانا مۆندیالێ.
