سـۆشیال مەدیا و بێ دلـۆڤـانی
قـاهـر محەمـەد
دیسا یێ وێ ژیانێ دزڤرینین ڤە یا دوور ژ سۆشیال میدیایێ هەڤالێن جاران یێ ل ێك كۆم دبین و ئەو بهێن فرەهیا جاران یا زۆر دبیت. ژیان پشتی هاتن یا باژێربوونێ كو مەزن بووی و كار بەرفرەهبووین ل ئێك كۆمبوون و خڕڤەبوونا جاران زۆر كێمبوویە، پێگەهێ ڤیانا مرۆڤان لاوازبوویە گەر بكەین ڕێژەهی؛ ب دیدا من پتریا خەلكی ژیانا پێشی سۆشیالێ دڤێت و وان كەیف و سەنایێن جاران. ببینینەڤە و ژ نێزیك گلە و گازندەیێن ئێكودو گوهلێببین و پتر هەستێ ڕوحی ببینین لدەف ئێك، پشتی هاتنا سۆشیال میدیایێ پتریا خەلكی نە رەحەتیەك بخوەڤە دیت پرسگرێك زۆربوون پێدڤیێن خەلكی زۆڕبوون. پێشی نوكە ئەو پێدڤی نەبوون و هەر مە هزر تێ دانەكربوو، میناك نوكە دەرچوویێن ئینترنێتێ، جۆرێن جلوبەرگان، مودێلێن ترومبێلان، جۆرێن تەلەفوونان.. هتد.
یا ژ هەمیێ گرنگتر سەرەدان یان مێهڤانی زۆر كێمبوون ئێدی وەلێهاتیا كو مرۆڤ نیاسێن خوە یان كەسێن خۆینا خوە نانیاسیت! ئەڤەژی گەلەك مەترسییە. دلۆڤانی گەلەك یا بەرزەبووی د ناڤا هەمی تەخێن جڤاكی، نوكە پتر فۆكس یان چاڤ كەتیە سەر كەسێن پێچێبووی و خودان مالەك زۆر هەی خەلك پتر بەرێخوەدانێ یان سەرەدانێ بۆ كەت و كەسێن دەستكورت و بەلنگاز هاتینە ژبیركرن. ئەڤەژی خالەكا بێ وژدانیێ یە كو هەستا مرۆڤان لاواز دكەن. دگەل ڤێ چەندێ جیهان كو مەزن بوویە ئالۆزی گرفتاری ل گەل زۆربووینە.
گرنگە ئەم سنووران بۆ هەمی كاودانێن جڤاكی دابنین، میناك دەمەكی بۆ سۆشیال میدیایێ كارەك گرنگ هەبیت دەمەكێ بۆ سەرەدانێ، راستە پتریا كار ب ئینترنێتێ دهێنەكرن بەس نابیت ژی پتریا دەمێ خوە بدەینێ بۆ ب هەروە ببەین.
دڤێت ژیانا جاران بزڤرینن و پتر هەستێن ئێكودو بگەهین و ژ نێزیك ڤیانێ بگەهینین ئێك و دەستێ هاریكاریێ دڕێژ بكەین.
