سـیاسەتا ترامـپی بوویە ئەگـەرێ دلـخوەشیا پۆتینی
بەرپرسەکێ وەزارەتا دەرڤە یا رۆسیا کو نەخواستیە ناڤێ وی بهێتە ئاشکرا کرن بۆ ئاژانسا سپۆتینگ یا وی وەلاتی دیار کریە، د پەیوەندیا تەلەفۆنی یا د ناڤبەرا ترامپ و پۆتینی دا دیار بوویە کو سەرۆکێ ئەمریکا نەڤێت ئێدی هاریکاریا ئۆکرانیایێ بکەت و داخواز ژ سەرۆکێ رۆسیا کریە کو دووماهیێ ب شەڕی بینن و ژ بەر ڤێ یەکێ ژی ئێدی زیلێنسکی نەچارە پڕانیا داخوازیێن رۆسیا قەبوول بکەت.
ئەو یەک د دەمەکێ دایە کو بەری چەند رۆژان رۆژناما دەیلی مێل یا بریتانی ژی دیار کربوو ترامپ و پۆتین رێککەفتینە و ل گۆر رێککەفتنێ ژی دێ ئەمریکا دەست ژ پشتەڤانیا ئۆکرانیایێ بەردەت و ل هەمبەر دا رۆسیا ژی ئێدی پشتەڤانیا ئیرانێ ناکەت و ژ بەر ڤێ یەکێ ژی دبیت رێککەفتنا نوو یا ئەمریکا و رۆسیا ببیتە ئەگەرێ گوهۆڕینێن گەلەک مەزن ل سەر ئاستێ جیهانێ و رۆژهەلاتا ناڤین.
