سلۆ خدر ئەو ناڤێ هەرە دیار ل هەر دو شۆڕەشێن ئیلۆنێ و گولانێ
ديدار، سالار محةمةد دؤسكى:
ل سالا 1978 ل شەرێ بالێتە، ل سالا 1979 ل گوندێ ردێنێ دەڤەرا بەرگارەی، ل سالا 1984 ل شەرێ دوستەكا، ل كونگرێ (13) یێ پارتی دیموكراتی كوردستان دا، و ل دوڤ خەبات و ماندیبوونا فەرماندێ خودێ ژێ رازی ب مەدالیا (بارزانی) دهێتە خەلاتكرن، مخابن رێكەفتی 9/7/2014 دەمێ ژ ئەركێ خوە ڤەدگەریتە مال ب ئەگەرێ جەلتا دلی فەرماندە (سلۆ خدر) وەغەرا دووماهیێ دكەت، و ل مەزارگەهێ (شێخ مەند) ل ئێسفنێ ب بەرهەڤبوونا هەڤال و كەس و كارێن ویێن حزبی و ئولی و جڤاكی ل هەمو تەخ و چینان تەرمێ پیرۆزێ پێشمەرگە و فەرماندە (سلۆ خدر) ب ئاخێ دهێتە سپاردن، و دگەهیتە كاروانێ نەمران، خودێ ژێ رازی (سلۆ خدر) حەفت زارۆك هەنە چار كور و سێ كچ بناڤێ (كەمال، وەسنا، داود، سامی، هاجەر، گارە، ئەڤین) كورەكێ خودێ ژێ رازای فەرماندە (سلۆ خدر) بناڤێ (گارە) كادرەكێ ژێ هاتیە وەك كارمەندەكێ ژێهاتیێ ئاسایشا دهۆكێ خزمەتێ دكەت، و ب دلسوزی ئەركێ خوە دبیت، خودێ ژێ رازی فەرماندە (سلۆ خدر) هەشت برا و دو خویشك هەبوون، ل بنەمالەكا كورد پەروەر و نشتیمان پەروەر ل دەڤەرێ د دیاربوون و هەر دەم خودان هەلویستێن نەتەوەیی بووینە، برایەكێ خودێ ژێ رازی (سلۆ خدر) بناڤێ (جوقی خدر) ئەندامێ ئێكەم شانەیا پارتی بوو ل دەڤەرا شێخان پشتی دامەزراندنا پارتی دیموكراتی كوردستان، و ژ بەر هەلویست و چالاكیێن وی دو جاران دهێتە نەفیكرن بۆ ناڤەراستا ئیراقێ بۆ پارێزگەهێن (نەجەف و كەربەلا) و چەندین جاران ژی ژلایێ رژێمێ ڤە هاتیە دەستەسەركرن، پشتی بەیانا 11ی ئادارێ ل سالا 1970ێ دبیتە ئەندامێ كومەلا جوتیاران ل دەڤەرا شێخان مخابن ل سالا 1972ێ (جوقی خدر) دچیتە بەردلوڤانیا خودێ، برایەكێ دیێ خودێ ژێ رازی (سلۆ خدر) بناڤێ (نەمر خدر) ئەندامەكێ هەرە چالاك بوو ل شۆڕەشا ئیلۆنێ و گەلەك هاریكاریێن ئازوقەی بۆ هێزا شێخان كرینە، و ل سالا 1974ێ ب خێزان و كەس و كار ڤە چوویە ناف شورەشێ و پشتی نسكۆیا سالا 1975ێ مال و ملكێ وان دهێتە بن دەستكرن و دهێنە دەرخستن بۆ باعەدرێ و ژ بەر هەلویستێن ویێن نەتەوەیی و ب دەهان جاران ژلایێ رژێمێ ڤە هاتیە دەستەسەركرن، برازیەكێ خودێ ژێ رازی (سلو خدر) بناڤێ (شاكر شەریف خدر) ل سالا 1984ێ دگەهیتە رێزێن شورەشا گولانێ ول گەل مامێ خوە (سلو خدر) دبیتە پێشمەرگە و پشكداریێ چەندین چالامیێن پارتیزانی دا دكەت و ل شەرەكی دا ل گەل هێزێن رژێمێ دناڤبەرا چیایێ دهۆك و شاریان دا ل گەل چار پێشمەرگێن دیێن سەر ب لژنا دهۆك ڤە دهێنە ئخسیكرن مخابن پشتی ئەشكەنجەدانێ (شاكر شەریف خدر) و هەڤالێن وی دهێنە سێدارەدان و شەهیددبن و دگەهنە كاروانێ نەمران، برازیەكێ دیێ خودێ ژێ رازی (سلۆ خدر) بناڤێ (جەهەوەر نەمر خدر) كادرەكێ ژێهاتیێ پارتی بوو ل سنورێ لقێ ئێك ل دەڤەرا بەهدینان ل سالا 1983ێ وەك پێشمەرگە پەیوەندیێ ب شۆڕەشا گولانێ ڤە دكەت.
برازیێ خودێ ژێ رازی (سلو خدر) بەحسێ چەند بیرهاتنا ل گەل مامێ خوە دكەت و تایبەت دەمێ بەرپرسێ لژنا دهۆك بۆ رۆژناما ئەڤرۆ گۆت: دەمێ ئەم ل باعەدرێ و دەربەدەر مالا مە هەر دەم چاڤدێری ل سەر هەبوو ژلایێ رژێمێ ڤە و ئەڤە ژ بەر هەلویستێ خودێ ژێ رازی (سلۆ خدر) و كەسەك ژ بنەمالا مە نە دهاتە وەرگرتن ل چ جهان و گڤاشتن ل سەر بنەمالا مە هەبوون و گەلەك ماندیبوون دیتی یە و گەلەك جاران بریندار بوویە.
جەهوەر نەمری گۆت: دەمێ بەرپرسێ لژنا دهۆك وی دەمی ل گەل مامێ خوە بووم و مرۆڤەكێ گەلەك باش بوو ل گەل پێشمەرگەی و هەمان دەم پێشمەرگەی ژی گەلەك حەژێ دكر و جوداهی دناڤبەرا پێشمەرگەی دا وی نەدكر و گەلەكێ ئازا بوو د دانا بریارا دا و گەل بریارەك دابا ب چ رەنگا خوە ڤەنەكێشا و پەشێمان نەدبوو، دەمێ بەرپرس لژنا ناوچا زاخۆ ل سالا 1987ێ كێشەك ل دەڤەرا زاخۆ چێبوو و ئەڤ گۆتنە مە ژ خەلكێ دەڤەرێ و (گولیان ) وەرگرتیە و دگۆتن ئەگەر خودێ ژێ رازی (سلۆ خدر) ل دەڤەرا مە نەبا رەنگە مە گەلەكا ئێك دو كوشت با و رەحمەتی شیا وێ كێشێ كونترۆل بكەت و مەزنتر لێ نەهێت.
پێشمەرگەیێ شۆڕەشا گولانێ (جەهەوەر نەمر) ئەو ژی گۆت: ل سالا 1977ێ ئەم ل باعەدرێ بووین وی دەمی كاودانێن مە گەلەك دنەخوش بوون و من هەڤالەك هەبوو ل ئێسنفێ و ئەم زارۆكینی هەڤالێن ئێك دو بووین بابێ وی ل سالا 1977ێ ژنەك بۆ خواست وی ژی ئەم داخاز كرینە سەر دەواتا خوە و ئەوا رۆژان حوكمەتێ دەنگ و باسەك بەلاڤەكر بوو كو پێشتر شەرەك چێب بوو و مامێ من (سلۆ خدر)بریندار ب بوو و حوكمەتێ دەنگۆیێ كوشتنا (سلۆ خدر) بەلاڤە كربوو و مە دیفچوون كر دیاربوو یێ بریندار ب بوو و رەوشا وی یا باش بوو و ل چیایی بوو و پشتی من زانی یێ بریندارە ئەز چوومە دەوامێ و بابێ من ئەو گەلەك د دلگران بوون و گەلەك بێ زەوق بووین و دەمێ ئەز چوویمە دەواتێ خەلكێ بەرهەڤبووی ل دەواتێ هەمی یا تەماشەی من دكر و من ژی سوز دا كو ژ كەربێن دوژمنی و خەلكی دا بچمە دیلانێ چوومە دیلانێ و حەجی زرنابێژ هات و چاڤێن وی ب من كەفتن و ئێكسەر لڤینەك ڤێ كەفت و راوستیا و زرنا خوە بلند كر و گەلەك كەیفا وی هات و چوو و پشتی بورینا دو رۆژان ژ دەواتێ، ل كولانەكێ چووم زرنابێژ هاتە بەرسینگێ من گۆت بخودێ وێ رۆژێ تەهند كەیفا من ئینا حەجكو تە دنیا هەمی دایە من و دەمێ تو هاتیە دیلانێ من زانی ئەو نووچە درەوە و ئەز نەشیام راوستم و ئێكسەر من بەرێ خوە ڤەگوهاست و چوونا من بۆ دیلانێ نامەك بوو.
هەمان پێشمەرگێ گولانێ گۆت: دەمێ لژنا دهۆك خودێ ژێ رازی پەیوەندیێن باش ل گەل خودێ ژێ رازی (محەمەد صالح بوتی) و (عیسا زێوەی) هەبوون و گەلەك هاریكاربوون ل گەل ئێك و پتریا دەما ل گەل ئێك بوون وی دەمی (محەمەد صالح بۆتی ) گەلەك بۆ هەڤالێ من ژی و دەمێ شەهید بووی ئەز بۆ وی گەلەك عاجز بووم وی رەنگی هوسا بۆ كەسەكێ عاجز نەبوویمە و هەر پێشمەرگەكێ رۆژەكێ ژی (محەمەد صالح بۆتی) نیاسی بیت بۆ عاجز بووی، چونكە مرۆڤەكێ قارەمان بوو و نەترسیا بۆ هەڤالینیێ گەلەكێ خوش بوو ترانە و سحبەتێن وی گەلەك خوش بوون و گەل پێشمەرگەی یاری دكرن وەك پێشمەرگەكێ نورمال و دەمێ كادریێ كادر بوو.
برازایێ فەرماندە سلۆ خدر دبێژیت: خەلكێ كوردستانێ ل هەرد و شورەشان روحا شورەشگێریێ هەبوو و دهێتە بیرامن دەمێ ل شورەشێ دەمێ دچووینە گوندان و ل سەر مالان دهاتینە بەلاڤەكرن و ئەز پێشمەرگەك چووباینە مالەكێ و دەمێ زانیبا ئێزدی نە زێدەتر مە قەدر و قیمەت هەبوو و گۆتن خەلكێ دی رەنگ مرۆڤێن خوە ببین و خەلكێ وان ل ئەڤان گوندان هەیە بەلێ هەوە چ كەس نینە و زێدەتر قەدر و قیمەت مە دگرت و ناڤێ(سلو خدر) گەلەك هەبوو و پشتی چەندین جاران بریندار بووی و پەیوەندیێن وی بگشتی ل گەل خەلكی دخۆش بوون.
هێشتا گۆت: دەمێ خودێ ژێ رازی (سلۆخدر) لژنا زاخۆ ئێك هەبوو دگۆتنێ(محەمەد سمۆ) ژناڤ رژێمێ رەڤی هاتە ناڤ پێشمەرگەی و ئاستێ چالاكیان گەلەك زێدەبوو و دیسا بەرپرسێن رێكخراوێن لەشكری ژی ل زاخۆ بگشتی زیرەك بوون و گەلەك چالاكی دكرن و قارەمان بوون و هەمان دەم قارەمانێن چاف نەترس لژنا دهۆك ژی هەبووینە، خوزی ئەم وەكی وی دەمی باینە دلەكێ پاقژ و كوردی نیەكا ژدل و بێ بەرژوەندی و بێ مرۆڤكانێ و هەر رێكخراوەكا چووبایێ ژ هەمی عەشیرەتان و ئاین دناڤ دا هەبووینە و زێدەتر مە قیمەت هەبوو و خوزی نوكە ژی وەك وی دەمی با و جارەكێ هەڤالەكی ل دیدارەكێ دا دگۆت شورەش بۆ ئازادیێ خوەشتر بۆ ژ ئازادیێ.
