سلێماني ل ئاستێ وه‌رزێ بۆري ناهێته ديتن
راهێنه‌رێ تيما ته‌پا پێ يا يانا سلێمانيێ يا دێ پشكداريێ د خولا پلا ناياب يا هه‌رێما كوردستانێ دا كه‌ت، دياركر هژماره‌كا ياريكه‌رێن وان رێزێت تيمێ ب جه هێلاينه و به‌ر ب يانێن دي يێن كوردستانێ چوينه و زێده‌تر ره‌وشا داري ل ئاستێ داخوازيێ نينه بو ديتنا پێگوهورێن وان.
زێده‌تر سه‌ردار سالح ئه‌و چه‌نده ژي بو ده‌زگايێن راگه‌هاندنێ خوياكر، كو داخوازكرنا چوار ياريكه‌رێن وان بو تيما خولا عيراقێ و چونا چه‌ند ياريكه‌ران بو يانێن دي يێن عيراقێ و نه ڤه‌گريانا پيشه‌كارێن وان كو هه‌مو ژ ياريكه‌رێن سه‌ره‌كي نه، بوينه ئاسته‌نگ هه‌مبه‌ر پاشكه‌فتنا راهێنانێن وان و نه‌شيان وه‌كو تيمێن دي يێن كوردستانێ زويكا ده‌ست پێ بكه‌ن، لێ بێ ئومێد ژي نه‌بوينه ژبو ب ده‌ستڤه ئينانا ئه‌نجامێن باش و دێ كار بو ڤێ ئارمانجێ كه‌ن، هه‌ر چه‌نده دبيت هه‌ڤركيكرن وه‌كو سالا بوري و ب ده‌ستڤه ئينا رێزا سيێ هه‌تا راده‌كي دێ يا ب زه‌حمه‌ت بيت.
ل دووماهيێ سه‌باره ب ئينانا ياريكه‌رێن پيشه‌كار و زێده‌كرنا ياريكه‌ران ل تيمێ ناڤبري دياركر پێدڤيه له‌زێ نه‌كه‌ن، چونكو ئينانا ياريكه‌رێن پيشه‌كار پێدڤيه ب شاره‌زاي بيت و ديسان چه‌ند ياريكه‌رێن ناڤخوي ل ژێر تاقيكرنێ نه بو هه‌لسه‌نگاندنا ئاستێ وان.
