سلێمان ره‌مه‌زن: پلانا مه ل سه‌ر سێ خالێن گرنگ بوو
ئه‌ڤرۆ،
كارگێریا یانه‌یا دهۆك ب فه‌رمی گرێبه‌ستا چار یاریزانان ئیمزاكر و دو یاریزان دوورخستن، ژ چارچووڤێ به‌رهه‌ڤیێن تیما وان یا ته‌پا پێی بۆ یاریێن مایی ژ خولا پلا نایابا ئیراقێ ئه‌وا دهێته چاڤه‌ڕێ كرن پشتی ب دووماهی هاتنا قاره‌مانیا كه‌نداڤیا عه‌ربی بهێنه كرن.
هه‌رچار یاریزانێن گرێبه‌ست هاتیه ئیمزاكرن ئه‌و ژی، ئه‌مۆری عیدان ل هێلا به‌ره‌ڤانیێ دكه‌ت، عیماد عیسا گۆلپارێزێ خه‌لكێ سێمێلێ یه، عه‌باس ماجد ته‌كێ راستێ و حسێن نه‌جم ته‌كێ راستێ و چه‌پێ، ژلایه‌كێ دووڤه ده‌ست ژ هه‌ردو یاریزانان سه‌عد غانم و عومه‌ر عه‌دنان به‌ردا.
ل دۆر به‌رهه‌ڤیێن تیما دهۆكێ بۆ خولێ سلێمان ره‌مه‌زان راهێنه‌رێ تیمێ بۆ رۆژناما ئه‌ڤرۆ گۆت: ژبۆ مفا وه‌رگرتنا بهێنڤه‌دانا خولا ئیراقێ مه پلان دانایه و كار ل سه‌ر سێ خالێن گرنگ دكه‌ین پێخه‌مه‌ت چاره‌سه‌ركرنا ئه‌وان كێماتیێن د ناڤ تیمێ دا، ل دووڤ شیانێن به‌رده‌ست یێن كارگێریا یانێ چار یاریزانێن ئه‌وێن ئه‌م پێدڤی ب جهێن وان ل سه‌ر تیمێ زێده‌كرینه، ئه‌و خال ژ ئه‌ڤه‌نه، ڤه‌گه‌ڕاندنا چه‌سته‌یا یاریزانان پشتی بهێنڤه‌دانا سه‌رێ سالێ، یا دویێ چاره‌سه‌ركرنا ئه‌وان خه‌له‌تیێن د یاریێن بۆری دا په‌یدابووین تایبه‌ت یێن تاكی كو بزاڤێ دكه‌ین ئه‌وان خه‌له‌تیان ژی نه هێلین، یا سَیێ هنده‌ك گوهۆڕینان بكه‌ین و چه‌ند یاریێن هه‌ڤالینی بهێنه ئه‌نجامدان ژبۆ خوه گۆنجاندنا یاریزانێن نوو ل گه‌ل تێمێ.
هه‌روه‌سان ناڤهاتی گۆت: دێ بزاڤێ كه‌ین به‌ری یاریا بهێت ل گه‌ل نه‌جه‌ف یاریه‌كا دی یا هه‌ڤالینی ل باژێرێ به‌غدا ئه‌نجامبده‌ین كو دهێته هژمارتن گرنگترین تاقیكرنا تیمێ به‌ری یاریا خولێ و ب ئۆمێدین باشترین شێوه ڤه‌گه‌ڕین.
